मुंबई : भारतीय क्रिकेट संघाचा जलदगती गोलंदाज मोहम्मद सिराज गेल्या अनेक महिन्यांपासून दमदार प्रदर्शन करतोय. एकदिवसीय आणि टी ट्वेन्टी संघात जोरदार प्रदर्शन करुन त्याने निवड समितीचं लक्ष वेधून घेतलंय. आयपीएल स्पर्धेत सिराज रॉयल्स चॅलेंजर्स बंगळुरु (RCB) या संघाकडून खेळतो. आयपीलमध्येही आपल्या खेळाने त्याने अनेकांना भुरळ घातलीये. रविवारी मुंबईविरुद्धच्या सामन्यात त्याने सुरेख गोलंदाजी करताना ४ षटकांत केवळ २१ धावा देऊन इशान किशनसारख्या घातक फलंदाजाचा अडसर दूर केला. पण हे सगळं छान पद्धतीने सुरु असलं तरी वैयक्तिक आयुष्यात कोणकोणत्या प्रसंगांना सामोरं जावं लागतं, हे कथन करताना मोहम्मद सिराजने अनेक धक्कादायक अनुभव सांगितले.
सोशल मीडियाने जग अधिक जवळ आलंय. सोशल मीडियाद्वारे आपण अनेक लोकांशी जोडलेलो असतो. अगदी अनोळखी लोकांच्या आयुष्यातही काय सुरु आहे, याचा अंदाज आपल्याला सोशल मीडियावरुन येतो. सोशल मीडिया हे जेवढं चांगलं तेवढंच ते वाईटही आहे. हे सगळं सांगण्याचं कारण म्हणजे सोशल मीडियावरुन वाढलेली ट्रोलिंग आणि त्याचा संबंधितांना होणारा त्रास… सिराजनेही मोठ्या प्रमाणावर ट्रोलिंगचा सामना केलाय. हेच दु:ख सांगताना त्याने हात जोडून क्रीडा रसिकांना सभ्यतेचं आवाहन केलंय.
सोशल मीडियाने जग अधिक जवळ आलंय. सोशल मीडियाद्वारे आपण अनेक लोकांशी जोडलेलो असतो. अगदी अनोळखी लोकांच्या आयुष्यातही काय सुरु आहे, याचा अंदाज आपल्याला सोशल मीडियावरुन येतो. सोशल मीडिया हे जेवढं चांगलं तेवढंच ते वाईटही आहे. हे सगळं सांगण्याचं कारण म्हणजे सोशल मीडियावरुन वाढलेली ट्रोलिंग आणि त्याचा संबंधितांना होणारा त्रास… सिराजनेही मोठ्या प्रमाणावर ट्रोलिंगचा सामना केलाय. हेच दु:ख सांगताना त्याने हात जोडून क्रीडा रसिकांना सभ्यतेचं आवाहन केलंय.
थाटामाटात लग्न झालं, देवदर्शनावरुन येतानाच काळाचा घाला, अपघातात नवदाम्पत्य जागीच ठार
मोहम्मद सिराज काय म्हणाला?
एखाद्याबद्दल वाईट शब्द लिहिणे सोपे आहे, वाईट बोलणे सोपे आहे. परंतु त्याच्या संघर्षाबद्दल आपल्याला काहीच माहिती नसतं. एखादी व्यक्ती विनाकारण एखाद्याला ट्रोल करत असते. मी तर खूप वेळा ट्रोलिंगचा सामना केलाय. मला एकदा म्हणतात, काय खेळतोस तू… तू भारताचं भविष्य आहे आणि दुसर्‍या दिवशी तेच लोक म्हणतात, तुझ्या हातून काहीच होणार नाही, तू ऑटो रिक्षाच चालव. लोक क्षणात एवढे कसे बदलू शकतात…?
विहिरीचं काम सुरु, अचानक वरचा भाग ढासळला, ५ कामगार मातीच्या ढिगाऱ्याखाली, दोघांना बाहेर काढलं
ज्यावेळी आम्ही चांगली कामगिरी करतो, त्यावेळी लोक आमची प्रशंसा करतात. ज्यावेळी मला रिटेन केलं गेलं त्यावेळी आतापर्यंतचं बेस्ट रिटेंशन असल्याचं अनेकांनी म्हटलं. पण त्यानंतर काहीच दिवसांनी मला ट्रोल करायला सुरुवात केली. मला संघात का ठेवलंय? अशी विचारणा सुरु झाली. याचं संघात काय काम आहे? इथपर्यंत लोकांची मजल गेली. मी क्रिकेट खेळण्यासाठी लायक नाही, हे ही लोकांनी सांगून झालं… मला लोकांना सांगायचंय की एखाद्याला शिव्या देणं सोपं असतं पण त्याचा संघर्ष खूप मोठा असतो. तो कृपया समजून घ्या… असं आवाहन करतानाच ट्रोलिंग करु नका हे सांगताना सिराजने लोकांना हात जोडले.