मुंबई, दि. 26 : भारतीय प्रजासत्ताक दिनाच्या 73 व्या वर्धापन दिनानिमित्त विधान भवन, मुंबई येथे आज विधानसभा अध्यक्ष ॲड. राहुल नार्वेकर यांच्या हस्ते व विधानसभेचे उपाध्यक्ष नरहरी झिरवाळ यांच्या प्रमुख उपस्थितीत ध्वजारोहण करण्यात आले.

याप्रसंगी विधानमंडळ सचिवालयाचे प्रधान सचिव राजेन्द्र भागवत, उप सचिव विलास आठवले, मेघना तळेकर, शिवदर्शन साठ्ये, ऋतुराज कुडतडकर, राजेश तारवी, अवर सचिव सुनिल झोरे, अध्यक्षांचे सचिव महेंद्र काज, वि.स.पागे, संसदीय प्रशिक्षण केंद्राचे संचालक आणि जनसंपर्क अधिकारी निलेश मदाने यांच्यासह इतर अधिकारी व कर्मचारी मोठ्या संख्येने उपस्थित होते. विधानमंडळाचे मुख्य सुरक्षा अधिकारी प्रदीप चव्हाण यांच्या नेतृत्वाखालील पथकाने यावेळी मानवंदना दिली.

000