गाड्या कर्णकर्कश हॉर्न वाजवत परिसरातून जातात

गोरेगाव पूर्वेतील सेंट थॉमस हायस्कूल ते स्क्वाटर्स कॉलनी हा परिसर रेल्वे रुळालगत आहे. पूर्वीच्या रेल्वे गाड्यांचे हॉर्न रुळांच्या दिशेने असत. मात्र, सध्या धावणाऱ्या नव्या गाड्यांमध्ये समोरच्या बाजूस दोन हॉर्न असतात. या हॉर्नमध्ये ध्वनी नियंत्रणाची यंत्रणा नसल्याने गाड्या कर्णकर्कश हॉर्न वाजवत या परिसरातून जातात, असा रहिवाशांचा दावा आहे.

नागरिकांना आवाजाचा त्रास

रेल्वे गाडी जात असताना निर्माण होणाऱ्या मोठ्या आवाजामुळे रुळालगत असलेल्या शाळेतील शिक्षकांनाही गाडी पुढे जाईपर्यंत थांबावे लागते. तसेच रस्त्यालगतच्या इमारतींमध्ये राहणारे ज्येष्ठ नागरिक आणि अन्य रहिवाशांनाही या आवाजाचा त्रास सहन करावा लागत आहे. विशेषतः दुपारच्या आणि रात्रीच्या वेळी झोपणेही अवघड होत असल्याचे रहिवाशांचे म्हणणे आहे.

Crime News : बोरीवलीला जाणाऱ्या ट्रेनच्या महिला डब्यात भामटा घुसला, एकट्या विद्यार्थिनीवर अत्याचाराचा प्रयत्न, धाडसी मुलीने डोळ्यात बोटं घालून रोखलं

गोरेगाव प्रवाशांची मागणी

रेल्वेच्या हॉर्नच्या त्रासापासून रहिवाशांना दिलासा मिळावा, यासाठी रेल्वे रुळालगत महापालिका हद्दीत ध्वनिरोधक बसवावेत, अशी मागणी करणारा ई-मेल मुंबई महापालिका आयुक्त अश्विनी भिडे यांना पाठविल्याची माहिती गोरेगाव प्रवासी नागरिक संघाचे सचिव उदय चितळे यांनी दिली. हा ई-मेल महापालिका अतिरिक्त आयुक्त डॉ. विपीन शर्मा यांनाही पाठविण्यात आला.

Navi Mumbai Airport: छत्रपती शिवाजी महाराज आंतरराष्ट्रीय विमानतळाच्या टी-१ टर्मिनलची दुरुस्ती ; महत्त्वाच्या विमानांची उड्डाणे नवी मुंबई विमानतळावरून , नागरिक त्रस्त

चितळे यांची मागणी

त्यानंतर अतिरिक्त आयुक्तांनी तो महापालिका उपायुक्तांकडे पाठविल्याचे चितळे यांनी सांगितले. मात्र, त्यावर अद्याप कोणतीही कार्यवाही झालेली नाही. या मागणीवर लवकरात लवकर कार्यवाही करून रहिवाशांना दिलासा द्यावा, अशी मागणी चितळे यांनी केली आहे.