अचानक सगळेच निघून गेल्यानं शेरू अस्वस्थ

आपल्या माणसांच्या आवाजाची, त्यांच्या सहवासाची आणि रोजच्या सवयींची त्याला सवय झाली होती. अचानक सगळेच निघून गेल्यानं शेरू अस्वस्थ झाल्याचं शेजाऱ्यांच्या लक्षात आलं आहे. तो सतत भुंकत असून, खिडकीतून त्याला पाणी आणि खाणे देऊन शेजारी त्याची काळजी घेण्याचा प्रयत्न करत आहेत. मात्र, घरात अडकून पडलेल्या या मुक्या जीवाला आता बाहेर काढून त्याची जबाबदारी घेणार कोण? हा प्रश्न निर्माण झाला आहे.

Khavdya Dongar Case: खवड्या डोंगरप्रकरणी पोलिसांकडून तपासाला वेग, चांदगुडे कुटुंबाच्या घरी पथक दाखल, कोणकोणत्या अँगलने तपास सुरू?

घरातीलच एक सदस्य होता

शेरू हा चांदगुडे कुटुंबासाठी केवळ पाळीव कुत्रा नव्हता, तर घरातीलच एक सदस्य होता. कुणाल आणि त्याची आई संगीता यांच्यासोबत शेरू सर्वाधिक वेळ असायचा. कुणाल त्याची विशेष काळजी घेत असे. दररोज सकाळी शेरूला फिरायला घेऊन जाणं, त्याच्यासोबत वेळ घालवणं हा कुणालच्या रोजच्या आयुष्याचा भाग होता. त्यामुळे दोघांमध्ये विशेष जिव्हाळा निर्माण झाला होता.

लहान मुलाप्रमाणेच त्याचंही संगोपन

संगीता यांच्याशीही शेरूची चांगलीच जवळीक होती. घरात एखादं लहान मूल आलं, तर शेरू संगीता यांच्या आसपास राहायचा. कुटुंबातील लहान मुलाप्रमाणेच त्याचं संगोपन केलं जात असल्याचं शेजाऱ्यांनी सांगितलं. त्यामुळे चांदगुडे कुटुंबातील तिघांच्या जाण्यानंतर शेरू एकटाच पडल्याचं पाहून शेजाऱ्यांनाही वाईट वाटत आहे. कुटुंबातील तिघांच्या मृत्यूची घटना समजल्यानंतर शेजाऱ्यांनी त्यांच्या घराकडे धाव घेतली. मात्र, घराला कुलूप असल्यानं शेरूला बाहेर काढता येत नाही. घरात अडकलेल्या शेरूला शांत करण्यासाठी शेजाऱ्यांनी खिडकीतून त्याच्याशी बोलण्याचा प्रयत्न केला. त्याला बिस्कीट आणि पाणीही देण्यात आलं.

Prashant Kishor: पार्थ पवारांच्या घरी हाय व्होल्टेज बैठक, प्रशांत किशोर यांचे राष्ट्रवादीच्या नेत्यांना खडे बोल, दिग्गज नेत्यांमध्ये नाराजीचा सूर?

परिचित आवाजाची आणि माणसांची वाट पाहत आहे

मात्र, शेरू सतत भुंकत असल्याचं शेजाऱ्यांनी सांगितलं. आपल्या माणसांची चाहूल लागत नसल्यानं तो अस्वस्थ झाला असावा, असं शेजाऱ्यांचं म्हणणं आहे. घरात कुणी नसतानाही शेरू आपल्या परिचित आवाजाची आणि माणसांची वाट पाहत असल्याचं त्याच्या वर्तनातून जाणवत असल्याचं शेजाऱ्यांनी सांगितलं. संपूर्ण कुटुंब गमावल्यानंतर शेरू सध्या घरात एकटाच आहे. त्याला बाहेर काढून सुरक्षित ठिकाणी नेण्याची गरज आहे. मात्र, घराचं कुलूप स्वतःहून उघडल्यास पुढे अडचण निर्माण होऊ शकते. त्यामुळे पोलिसांनी पंचनामा करून घर उघडावं आणि शेरूची तातडीनं सुटका करावी, अशी मागणी शेजाऱ्यांकडून करण्यात येत आहे.

मुका जीव आता कुणाच्या तरी प्रतिक्षेत

कुटुंबातील तिन्ही व्यक्तींच्या जाण्यानंतर त्यांच्या मागे राहिलेला हा मुका जीव आता कुणाच्या तरी आधाराच्या प्रतीक्षेत आहे. शेरूची योग्य पद्धतीने काळजी घेण्यासाठी श्वानप्रेमी व्यक्ती किंवा संस्थेने पुढे यावं, अशी अपेक्षाही व्यक्त केली जात आहे. दरम्यान, या घटनेनं संपूर्ण महाराष्ट्रात हळहळ व्यक्त होत आहे.