मत्स्यव्यवसाय सहाय्यक आयुक्त कार्यालयामार्फत गेल्या तीन महिन्यांपासून जिल्ह्यात विशेष मोहीम राबविण्यात येत आहे. या मोहिमेंतर्गत आतापर्यंत १५० टनांहून अधिक मांगूर माशांचा साठा नष्ट करण्यात आला असून, नागपूर परिसरातील अवैध नेटवर्क मोडून काढण्यात आल्याची माहिती विभागाने दिली. ही कारवाई प्रादेशिक उपआयुक्त सुनील जांभुळे यांच्या मार्गदर्शनाखाली आणि सहाय्यक आयुक्त शुभम कोमरेवार यांच्या नेतृत्वात करण्यात आली.

Maharashtra FDA: हे गुरेही खात नाहीत! अंगणवाडी आहाराची तपासणी करण्याची ‘एफडीए’कडे मागणीमोहिमेत मत्स्यव्यवसाय विकास अधिकारी प्रशांत वैद्य, सहाय्यक मत्स्यव्यवसाय विकास अधिकारी निखिल नारद, अंकित वैद्य, जितेश केशवे, शिवानंद पाटील, सतीश क्षीरसागर आणि अविनाश सदावर्ती यांनी सहभाग घेतला.

Nagpur Accident : बाईकवरून जाताना अचानक तोल गेला, मागून येणाऱ्या बसची धडक; तरुणीचा जागीच मृत्यूआरोग्य, पर्यावरणाला धोका

थाई मांगूर हा मांसाहारी आणि आक्रमक प्रवृत्तीचा मासा असून, त्याचा स्थानिक माशांच्या प्रजाती आणि नैसर्गिक परिसंस्थेला मोठा धोका असतो. दूषित पाण्यात वाढणाऱ्या आणि निकृष्ट खाद्य खाणाऱ्या या माशांच्या सेवनामुळे नागरिकांच्या आरोग्यावरही गंभीर परिणाम होऊ शकतात. या कारवाईमुळे पर्यावरण संतुलनास मदत होईल, असे प्रादेशिक उपआयुक्त सुनील जांभुळे यांनी सांगितले. या कारवाईमुळे प्रामाणिक मत्स्यपालकांना योग्य बाजारपेठ आणि न्याय मिळण्याचा मार्ग मोकळा होईल. पर्यावरण व मानवी आरोग्यास घातक असलेल्या थाई मांगूरचे पालन किंवा विक्री करणाऱ्यांवर कठोर फौजदारी कारवाई सुरूच राहील, असा इशारा मत्स्यव्यवसाय विभागाने दिला आहे.