शुभम लोणकर विरुद्ध गुन्हा नोंदविण्यात आला

व्यावसायिकाच्या फिर्यादीवरून सरकारवाडा पोलिस ठाण्यात संशयित शुभम लोणकर याच्याविरुद्ध गुन्हा नोंदविण्यात आला आहे. लोणकर हा राज्यातील इतर दोन गंभीर गुन्ह्यांत ‘वॉन्टेड’ असल्याचे शहर पोलिसांसह गुन्हे शाखेच्या सर्व पथकांनी कसून तपास सुरू केला आहे.

अशी धमकी देण्यात आली

व्यावसायिक कुटुंबातील सदस्यांना सलग दोन दिवस व्हॉट्सअॅप कॉल आणि मेसेजद्वारे ‘तुमच्यावर आणि घराभेवती शूटर्सची नजर आहे. नाशिकमधील हा पहिला कॉल असून ,पैसे न दिल्यास पहिली हत्या नाशिकमध्ये आणि तुमच्या घरात होईल ‘अशी धमकी देण्यात आली.ही धमकी शुभम लोणकर अर्थात, ‘शुभ्बू’च्या नावाने आलेल्या फिर्यादीत नमूद आहे .

लोणकर हा बिष्णोई टोळीतील संशयित

संशयित लोणकर हा बिष्णोई टोळीतील संशयित असून , माजी मंत्री बाबा सिद्दकी हत्या प्रकरण आणि दिग्दर्शक रोहित शेट्टी यांच्या घराबाहेरील गोळीबार प्रकरणात तो अद्यापही ‘वॉन्टेड’ आहे. लोणकरवर जानेवारी २०२४ मध्ये अकोल्यातील अकोट पोलिस ठाण्यात शस्त्रपुरवठा केल्याप्रकरणी गुन्हा दाखल झाला होता. त्या गुन्ह्यात जामीन झाल्यानंतर सिद्दकी यांच्या हत्येनंतर तो पुन्हा पसार झाला.

वरिष्ठ पातळीवरून दाखल

तपास यंत्रणांच्या मते लोणकर भारताबाहेर पळून गेला असून, तिथूनच टोळीत सक्रिय आहे. त्यामुळे नाशिकमधील गुन्ह्याची दखल राज्य पोलिस महासंचालक कार्यालयानेही घेतली आहे.स्थानिक पोलिस, सायबर पोलिसांसह गुन्हे शाखा तांत्रिक विश्लेषण करीत आहेत. विश्लेषणानंतर हे ‘कॉल फेक’आहेत की खरोखरच टोळीने धमकावले आहे ,हे स्पष्ट होणार असल्याचे सूत्रांनी सांगितले.

Chhatrapati Sambhajinagar: पाण्याची नासाडी करणाऱ्या पैठण गेट परिसरातील नागरिकाकडून दहा हजारांचा दंड वसूल;पाण्याचा अपव्यय करणार्‍यांसाठी महापालिकेचे कठोर पाऊल

कठोर कारवाईचा विश्वास

फिर्यादी कुटूंबाच्या सुरक्षेबाबत पोलिस दक्षता घेत असून, खंडणीखोर आणि गुन्हेगारी टोळ्यांविरुद्ध कठोर कारवाईचा विश्वास आयुक्तालयाने व्यक्त केला आहे. दोन दिवसांपूर्वी टोळीच्या नावाने नागपुरातील निवृत्त प्राध्यापकासह त्यांच्या मुलीला दहा धमकीचा ई-मेल प्राप्त झाला होता. आता नाशिकमध्ये धमकीचे कॉल आल्याने यंत्रणा सतर्क झाल्या आहेत.

अडीच वर्षापूर्वी अपहरण !

सन २०२३ मध्ये नाशिकमधील प्रसिद्ध बांधकाम व्यावसायिकाचे घराबाहेरून पिस्तुलाचा धाक दाखवून अपहरण झाले होते. तेव्हाही ‘लॉरेन्स बिष्णोई’ टोळीच्या नावाने दोन कोटी रुपयांची खंडणी उकळली गेली होती.वाडीवऱ्हेतील ढाब्यावर दारूच्या नशेत शिजलेल्या कटातून अल्पावधीत श्रीमंत होण्यासाठी संशयितांनी टोळीच्या नावाचा वापर करून हा गुन्हा केला होता.

Ganeshotsav 2026: नाशिकच्या गणेशमूर्तींना सातासमुद्रापार पसंती; बावीसवर देशांत विराजमान होणार नाशिकमधील बाप्पा

एक कोटी ३३ लाख रुपयांची रोकड आणि पिस्तूल जप्त

नाशिक गुन्हे शाखा युनिट एकने राजस्थानमधील भारत – पाकिस्तान सीमेवरील लोहावत येथे वेशांतर करून मुख्य सूत्रधार संशयित महेंद्र बिश्नोई, पिंटू राजपूत, रामचंद्र बिश्नोई आणि नाशिकचा अनिल खराटे या चौघांना अटक केली होती.त्यांच्याकडून एक कोटी ३३ लाख रुपयांची रोकड आणि पिस्तूल जप्त करण्यात आले होते.