सायकलवर बसवून उसाच्या शेताकडे

चौथीत शिकणारी चिमुकली ही आजारीअसल्यानं काल मंगळवारी शाळेत गेली नव्हती. ती घरीच थांबलेली होती. दुपारच्या सुमारास चिमुरडीचे पालक बाहेर गेले होते ती एकटीच घरात होती. ती घरात टीव्ही पाहत खेळत होती. हाच डाव साधत अत्याचारी नराधमानं तिला बाहेर बोलावलं आणि सायकलवरून गावाबाहेरच्या उसाच्या शेताकडे घेऊन गेला. तिथेच त्याने चिमुरडीवर लैंगिक अत्याचार करून तिचा गळा दाबून खून केला.

Crime News: आश्रमशाळेत शिपायाने केला विद्यार्थ्यांवर अत्याचार, जबाबात धक्कादायक माहिती उघड, ४४ वर्षीय राजेशला अटक

ओढ्याकाठी झाडाजवळ निष्पाप चिमुरडीचा मृतदेह

पालक परत आल्यानंतर आपली मुलगी घरात दिसत नसल्यानं तिचे पालक अस्वस्थ झाले होते. त्यांनी सगळीकडे तिची शोधाशोध सुरु केली. मात्र, मुलगी सापडत नसल्यानं अखेर पालकांनी आळेफाटा पोलीसांत मिसिंगची तक्रार नोंदवली. पोलिसांनी तत्परता दाखवत लगेच गावात धाव घेतली. सगळीकडे शोधाशोध सुरु झाली. या सगळ्यादरम्यान सर्वात धक्कादायक बाब म्हणजे अत्याचारी नराधम देखील तिथे पोहचला आणि पोलिसांना शोधकार्यात मदत करण्याचं नाटक करू लागला. तो देखील चिमुरडीला शोधत आहे असं भासवत होता. मात्र, पोलिसांना आरोपीच्या हालचालीवर संशय आला. त्याच्या संशयास्पद हालचाली लक्षात आल्यानंतर पोलिसांनी त्याला ताब्यात घेतलं. पुढे पोलिसीखाक्या दाखवताच आरोपीने गुन्हाची कबुली दिली. आरोपीने दाखवलेल्या’लेंडे स्थळ’ परिसरातील एका ओढ्याकाठी झाडाजवळ निष्पाप चिमुरडीचा मृतदेह आढळून आला.

फॉरन्सिक टीमने घटनास्थळाचा पंचनामा केला

त्यानंतर लगेचच पोलिसांनी आरोपीला ताब्यात घेतलं असून पुढील तपास सुरु केला आहे. पुणे ग्रामीणचे पोलीस अधीक्षक संदीप गिल, उपविभागीय पोलीस अधिकारी धनंजय पाटील आणि पोलीस निरीक्षक विश्वास जाधव यांनी तातडीने घटनास्थळी जाऊन पाहणी केली. फॉरन्सिक टीमने घटनास्थळाचा पंचनामा केला असून चिमुरडीचा मृतदेह शवविच्छेदनासाठी पाठवण्यात आला आहे.

Nagpur Crime : गळ्यात मंगळसूत्र, बेडवर गुलाबाच्या पाकळ्या अन् फुगे, नागपूरच्या हॉटेलमध्ये रात्री किंचाळण्याचा आवाज, रुम नंबर 302 मध्ये काय घडलं?

दोषींवर कठोर कारवाई करून, खटला फास्टट्रॅक कोर्टात चालवणार – सुनेत्रा पवार

या घटनेसंदर्भात पुण्याच्या पालकमंत्री आणि राज्याच्या उपमुख्यमंत्री यांनी पुणे जिल्ह्याचे पोलीस अधीक्षक संदीप सिंह गिल यांच्याशी दूरध्वनीवरून संवाद साधून तपासाचा आढावा घेतला आहे. या प्रकरणाची पारदर्शक व सखोल चौकशी करून नराधम आरोपीवर कठोर कारवाई करण्याचे स्पष्ट निर्देश पोलीस प्रशासनाला देण्यात आले आहेत, अशी माहिती उपमुख्यमंत्री सुनेत्रा अजित पवार यांनी दिली आहे.

खटला फास्टट्रॅक कोर्टात

हे कृत्य अत्यंत निंदनीय आणि माणुसकीला काळीमा फासणारे आहे असून पोलिसांनी तत्परतेने कारवाई करत संशयित तरुणाला ताब्यात घेतलं आहे, आणि पुढील तपास वेगाने सुरू आहे. या प्रकरणातील आरोपीला लवकरात लवकर कठोर शिक्षा व्हावी, यासाठी हा खटला जलदगती न्यायालयात चालवला जावा, अशी विशेष विनंती मुख्यमंत्री देवेंद्र फडणवीस यांच्याकडे करणार असल्याचंही सुनेत्रा पवार यांनी स्पष्ट केलं आहे.