Chhatrapati Sambhajinagar Crime News : राज्यात दिवसेंदिवस गुन्हेगारीचं प्रमाण वाढत चाललं आहे. त्याचदरम्यान, छत्रपती संभाजीनगरमध्ये एक मोठी धक्कादायक घटना घडली आहे.
नेमकी घटना काय?
सूरज सतीश साळवे (वय 20, रा. प्रगती कॉलनी), आकाश राजू म्हस्के (वय 23, रा. श्रावस्ती कॉलनी), ऋषिकेश रतन नवागिरे (वय 21, रा. जयभीम नगर) आणि आदर्श ईश्वर वाकेकर (वय 20, रा. जयभीम नगर, टाऊन हॉल) या चारही आरोपींवर भा.दं.वि. कलम 354 (विनयभंग) नुसार गुन्हा दाखल करण्यात आला आहे. मिळालेल्या माहितीनुसार, डॉ. बाबासाहेब आंबेडकर मराठवाडा विद्यापीठात शिक्षण घेणाऱ्या आणि विद्यापीठ परिसरातच राहणाऱ्या दोन तरुणींपैकी एकीने पीएच.डी. तर दुसरीने एम.एस्सी. पूर्ण केले आहे.
Nanded Crime : जि.प. शिक्षक मृत्यू प्रकरण; पोटच्या दोन लेकरांसह स्वत: आयुष्य संपवलं, गोदावरी नदीत कार टाकली, PM रिपोर्टमध्ये धक्कादायक माहिती उघड
शनिवार रोजी सायंकाळी 6 वाजेच्या सुमारास या दोघी विद्यार्थिनी विद्यापीठात बॉडीगार्ड असलेल्या आपल्या मित्रासोबत हनुमान टेकडी येथे वॉकिंगसाठी गेल्या होत्या. तरुणी टेकडीवरून खाली येत असताना हॉटेल गारवाजवळ काही तरुण उभे राहून दारू पित होते. यातील एका मद्यधुंद तरुणाने या दोन्ही तरुणींना पाहून अत्यंत अश्लील आणि आक्षेपार्ह शब्दांचा वापर केला. या प्रकारानंतर तरुणींसोबत असलेल्या कुलगुरूंच्या बॉडीगार्डने तत्परता दाखवत त्या तळीरामांना अश्लील भाष्य करण्याबाबत जाब विचारला. याचा राग आल्याने मद्यधुंद तरुणांनी थेट बिअरची बॉटल त्याच्यावर फेकून मारली आणि वाद घालण्यास सुरुवात केली.
पोलीस ठाण्यात महिलांचा हायव्होल्टेज ड्रामा
हा राडा सुरू असतानाच बेगमपुरा पोलीस ठाण्याची 112 क्रमांकाची गस्तीवर असलेली गाडी तिथून जात होती. पोलिसांनी तरुणींकडे चौकशी करून चारही आरोपींना घटनास्थळावरूनच ताब्यात घेतलं. घटनेची माहिती मिळताच सहाय्यक पोलीस आयुक्त सागर शिंदे आणि पोलीस निरीक्षक प्रवीण यादव यांनी तातडीने घटनास्थळी व पोलीस ठाण्यात धाव घेतली. मात्र, आरोपींना पोलीस ठाण्यात आणल्यानंतर त्यांच्या नातेवाईक महिलांनी तिथे प्रचंड गोंधळ घातला. पोलीस समजावून सांगत असताना काही महिलांनी थेट पोलिसांवर हात उचलले आणि महिला पोलिसांचे कपडे ओढण्याचा प्रयत्न केला. अखेर दंगा काबू पथकाला पाचारण करून हा ड्रामा शांत करण्यात आला. पीडित तरुणींच्या फिर्यादीवरून गुन्हा दाखल करण्याची प्रक्रिया सुरू असून पोलीस पुढील तपास करत आहेत.Nashik Metro: नियमित मेट्रोचा अंतिम मसुदा ‘ट्रॅक’वर! आराखड्यासाठी मंगळवारी मुख्यमंत्र्यांकडे बैठक
मुलांच्या कुटुंबीयांची बाजू
दरम्यान, या प्रकरणावर आरोपी मुलांच्या कुटुंबीयांनी आपली बाजू मांडताना पोलिसांमधील तक्रारीतील आरोप फेटाळले आहेत. मुलांच्या पालकांनी आरोप केला आहे की, ‘आमची मुले तिथे मोबाईलमध्ये व्हिडिओ काढत होती. त्याचवेळी त्या दोन तरुणींसोबत कुलगुरूंचा बॉडीगार्ड तिथून जात होता. मुलांना व्हिडिओ काढताना पाहून, ते आपलाच व्हिडिओ काढत असल्याचा संशय बॉडीगार्डला आला. याच संशयातून बॉडीगार्डने मुलांना जाब विचारला आणि त्यावरून हा वाद झाला आहे. मात्र, आमच्या मुलांना वेगळ्या कारणाने अडकवले जात आहे’.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा