Pune Moshi building Collapse: कचऱ्याचे डोंगर हटविण्यासाठी शेकडो कोटी खर्चूनही डेपोतील परिस्थितीत अपेक्षित सुधारणा झालेली नाही. उलट, आग, ढिगारे कोसळणे आणि अपघातांच्या घटना वाढत असल्याने पर्यावरण विभागाच्या नियोजनावर प्रश्नचिन्ह उपस्थित होत आहे.
पिंपरी-चिंचवड शहरातील सर्व घनकचरा गेल्या तीन दशकांपासून मोशी डेपोमध्ये जमा होत आहे. त्यातून तयार झालेले कचऱ्याचे प्रचंड ढिगारे कमी करण्यासाठी महापालिकेने ‘बायोमायनिंग’ आणि वेस्ट टू एनर्जी असे दोन मोठे प्रकल्प हाती घेतले. ‘बायोमायनिंग’साठी ४४ कोटी रुपये खर्च करून आठ लाख घनमीटर कचऱ्याची विल्हेवाट लावली. त्यानंतर १४२ कोटींहून अधिक खर्च होत असून, १५ लाख घनमीटर कचरा प्रक्रिया करण्याचे काम सुरू आहे.
Pune News: दीड वर्षांपूर्वी लग्न, बायकोला तो मेसेज केला अन् दुसऱ्याच क्षणाला सगळं संपलं; जेवत्या ताटावरच भावेशवर काळाचा घाला!
डेपोतील आठ एकर जागा मोकळी करून तेथे घनकचरा व्यवस्थापनाचे विविध प्रकल्प उभारण्याचे नियोजन आहे. मात्र, दुसरा टप्पा सुरू असतानाच झालेल्या दुर्घटनेने प्रत्यक्षात कचऱ्याचे डोंगर कितपत सुरक्षित झाले, याबाबत प्रश्न निर्माण झाले आहेत. दुसरीकडे, ३०० कोटी रुपये खर्चून उभारलेल्या ‘वेस्ट टू एनर्जी’ प्रकल्पातून दररोज ७०० टन कचऱ्यावर प्रक्रिया करून १४ मेगावॉट वीजनिर्मिती केली जात आहे. या प्रकल्पासाठी महापालिकेने ५० कोटी रुपयांचे अनुदानही दिले आहे. आता दुसऱ्या टप्प्यासाठी १,०५० कोटी रुपयांचा प्रस्ताव असून, दररोज एक हजार टन सुक्या कचऱ्यावर प्रक्रिया करून २७ मेगावॉट वीजनिर्मितीचे उद्दिष्ट ठेवले आहे.
मात्र, मोठ्या आर्थिक गुंतवणुकीनंतरही मोशी डेपोतील कचऱ्याचे डोंगर कायम आहेत. वारंवार लागणाऱ्या आगी, ढिगारे कोसळण्याच्या घटना आणि आता झालेली जीवितहानी यामुळे खर्चाच्या परिणामकारकतेवर प्रश्न उपस्थित होत आहेत. त्यामुळे पर्यावरण विभागाच्या नियोजनासह घनकचरा व्यवस्थापनाची स्वतंत्र चौकशी करण्याची मागणी जोर धरत आहे.
Baramati Crime : ज्यांच्यावर मुलींच्या संरक्षणाची जबाबदारी तेच असं वागले? पोलीस उपनिरीक्षकासह दोघांवर गुन्हा
खर्चाचा हिशेब…
मोशी कचरा डेपोची जागा- ८१ एकर
बायोमायनिंग पहिला टप्पा- ४४ कोटी रुपये
बायोमायनिंग दुसरा टप्पा- १४२ कोटी रुपये
वेस्ट टू एनर्जी प्रकल्प- ३०० कोटी रुपये (पालिका अनुदान ५० कोटी)
एकूण खर्च- सुमारे ४८२ कोटी रुपये
प्रस्तावित दुसरा वेस्ट टू एनर्जी टप्पा- १,०५० कोटी रुपये
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा