‘कनेक्टिंग लिंकच्या बोगद्याच्या सुरुवातीस दरड कोसळल्याच्या घटनेने मला काही गोष्टी शिकवल्या. पाण्याचा प्रवाह कसा बदलू शकतो, दरड कशी कोसळू शकते हे लक्षात आले. या संदर्भात मी आयआयटीच्या तज्ज्ञांशी चर्चा केली असून, त्यांनी सुरक्षेच्या दृष्टीने नवीन आराखडा दिला आहे. हा आरखडा राबवल्याने कदाचित पुढच्या वेळी अशी घटना घडणार नाही,’ असा विश्वासही मुख्यमंत्र्यांनी व्यक्त केला.

Sharad Pawar : शरद पवार एकनाथ शिंदेंच्या दालनात, राजकारणात पडद्यामागे इंटरेस्टिंग घडामोडी
‘मागच्या आघाडी सरकारने या लिंकचा प्रस्ताव तयार केला आणि त्या सरकारच्या मुख्यमंत्र्यांनी १४ कारणे सांगून ही लिंक करता येणार नाही असे सांगून फाइल बंद केली,’ अशा शब्दांत मुख्यमंत्र्यांनी माजी मुख्यमंत्री पृथ्वीराज चव्हाण यांना नाव न घेता तत्कालीन सरकारला लक्ष्य केले.

‘कनेक्टिंग लिंकच्या कमानीवर ही दरड कोसळली. लिंकवरील पूल अथवा बोगद्याला काहीही झालेले नाही; परंतु कनेक्टिंग लिंकच तुटली, सात हजार कोटी पाण्यात गेले, असा प्रचार काही जणांनी केला. ही फक्त लिंक नाही तर अभियांत्रिकी चमत्कार आहे. जगातील सर्वांत मोठा बोगदा आणि भारतातील सर्वांत उंच केबल पूल आपण तयार केला आहे. या लिंकमुळे घाट रस्त्यातील अपघात आणि वाहतूककोंडी संपली. त्यामुळे तुम्ही मला शिव्या द्या, मला सवय आहे, मी `शिव्याप्रूफ’ आहे.

Uddhav Thackeray : मातोश्रीवर हायव्होल्टेज बैठक, 24 आमदार आले, पण निष्ठावान नेत्याची दांडी चर्चेत, ठाकरेंकडून महत्त्वाच्या सूचना
महाराष्ट्राला बदनाम करु नका…
‘तुम्ही मला बदनाम करा; परंतु महाराष्ट्राला बदनाम करून नका. ज्यांना कुत्रे विचारत नाही, ते सोशल मीडियावर येऊन मुख्यमंत्र्यांसह सगळ्यांना शिव्या देतात. असेच काही भाड्याचे तट्टू पैसे घेऊन कनेक्टिंग लिंकबाबत सोशल मिडियावर लिहीत होते. त्यांना सांगतो, महाराष्ट्राचा अपमान कराल तर सोडणार नाही,’ असा इशाराही मुख्यमंत्र्यांनी दिला.