Mumbai Mankhurd accident Six People Death : मानखुर्द येथे अनधिकृत बांधकाम कोसळल्याने सहा जणांचा मृत्यू झाल्याप्रकरणी पोलिसांनी सदोष मनुष्यवधाचा गुन्हा दाखल करून दोघांना अटक केली. अनधिकृत बैठ्या घरावर चार मजले उभे करणाऱ्या मालकासह बांधकाम कंत्राटदार, शेजारील अवैध झोपडी भाडेतत्त्वावर देणारा आणि या अवैध बांधकामांना अभय देणाऱ्या शासकीय अधिकाऱ्यांना या गुन्ह्यात आरोपी करण्यात आले आहे.
बाजूच्याच घरात तात्पुरता मुक्काम
मोईन यांच्या शेजारी राहणाऱ्या मेहर अली यांच्या चार वर्षांच्या मुलाला रविवारी सकाळीच घराला तडे गेल्याचे दिसले होते. त्याने ते त्याच्या आईला म्हणजे मेहर यांना त्याबाबत सांगितले. त्यानंतर त्यांच्या तीन मजली घरासह त्यांच्या आसपासच्या लोकांनीही आपापली घरे रिकामी केली. त्यात मोईनुद्दीनही होते. त्यांनी त्याच परिसरात दुसरे भाड्याचे घरही बघितले होते. ते सोमवारीच त्या घरात राहायला जाणार होते आणि म्हणून त्यांनी बाजूच्याच घरात तात्पुरता मुक्काम केला होता.
Pune Mumbai Missing Link : कनेक्टिंग लिंक प्रकल्पाला पावसाचा दणका! आता ‘मिसिंग लिंक’ची सुरक्षा तपासणी होणार, IIT मुंबई करणार ऑडिट
खायला आणण्यासाठी दुकानात गेले
रात्री आठच्या सुमारास त्यांच्या मुलांना भूक लागल्याने त्यांची पत्नी अख्तर जहाँ मोइनद्दीन शाह (३५) यांनी घरात जाऊन खिचडी बनविण्याचा निर्णय घेतला, तर मोईनुद्दीन मुलांना बाहेरून काहीतरी खायला आणण्यासाठी दुकानात गेले. यावेळी अख्तर जहाँ यांच्यासोबत कैसर जहाँ (१४), मुनाफ (७), जलाउद्दीन (६), अनाबिया (३) ही मुले सुद्धा घरी गेली. शेजारच्या घरातून खेळण्यासाठी ६ वर्षांची आलिया अल्लाउद्दीन शेख त्यांच्यासोबत गेली.
फार वेळ घरात थांबू नको
मी अख्तरला सांगितले की, खिचडीसोबत तोंडी लावायला म्हणून मी काहीतरी घेऊन येतो. ते सगळे घरात गेले आणि मी नाक्यावर जायला निघालो. मी तिला सांगितले होते की, फार वेळ घरात थांबू नको. मी दुकानातून काही वस्तू विकत घेत होतो, तेवढ्यातच जोरदार आवाज झाला आणि मी धावत येईपर्यंत सगळेच ढिगाऱ्याखाली गाडले गेले होते, असे मोईनुद्दीन यांनी सांगितले.
Mumbai Weather Alert: मुंबईकरांना दिलासा मिळणार; पावसाचा जोर ओसरणार, हवामान खात्याचा ताजा अंदाज
आक्रोश पिळवटून टाकत होता
रविवारची पूर्ण रात्र मोईनुद्दीन यांनी राजावाडी रुग्णालयाात घालवली. निळा शर्ट, त्यावर पडलेले धुळीचे आणि चिखलाचे डाग, रडून रडून सुजलेले डोळे, विस्कटलेले केस अशा अवस्थेत त्यांना सुरुवातीला काही सुचतच नव्हते. मात्र थोड्या वेळाने ते रडू लागले. मला त्यांना भेटायचे आहे. माझी अख्तरजहाँ मला सोडून गेली, हा आक्रोश पिळवटून टाकत होता.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा