सियाचे वडील प्रवीण गोयल हे रुग्णालयात दाखल असून त्यांनी सांगितले की, लग्नाचा हा प्रस्ताव सर्वप्रथम गोव्यातील एका कौटुंबिक विवाह सोहळ्यादरम्यान आला होता. केतनच्या नातेवाईकांचे लक्ष सियाकडे गेले आणि त्यांनी तिच्याबद्दल विचारणा केली, असे ‘इंडिया टुडे’ने बातमीत म्हटले आहे. याआधी अगरवाल कुटुंबाने मात्र गोयल लग्नासाठी आमच्या मागे लागले होते, असे सांगितले होते.

सियाला स्थळ आणलं, आमचा नकार

“एका व्यक्तीने माझ्या भावाला विचारले की ती मुलगी कोणाची आहे. ती माझी मुलगी असल्याचे समजल्यावर त्यांनी लग्नाचा प्रस्ताव विचारात घेण्याचं सांगितलं. त्यावेळी आम्ही तो प्रस्ताव नाकारला, कारण सियाचे वय तेव्हा केवळ १९ वर्षे होते आणि तिचे लग्न करण्याची आम्हाला कोणतीही घाई नव्हती” असे प्रवीण गोयल यांनी सांगितले.
Mira Road News : पार्क गाडीतील एअरबॅग अचानक उघडली, 25 वर्षीय तरुणाच्या मानेवर आघात, गाडीतच मृत्यूने गाठलं
त्यांच्या म्हणण्यानुसार, काही दिवसांनंतर कर्जत येथे झालेल्या एका कौटुंबिक विवाह सोहळ्यात हा प्रस्ताव पुन्हा समोर आला आणि अमन अगरवाल यांनी या नातेसंबंधाबाबत पुन्हा एकदा आपली इच्छा व्यक्त केली.

मोठ्या भावंडांच्या लग्नानंतर सियाचा विवाह लावा

“माझ्या मेहुण्याने त्यांना सांगितले की सिया अजून लहान आहे; पण अमन अगरवाल यांनी सुचवले की, दोन्ही कुटुंबे आधी मोठ्या भावंडांचे लग्न उरकून घेऊ शकतात आणि त्यानंतर सियाच्या लग्नाचा विचार करु शकतात. केतन चांगल्या कुटुंबातील आहे असे सांगून त्यांनी आम्हाला या प्रस्तावाचा विचार करण्यास सांगितले” असे गोयल म्हणाले.
Badlapur Crime : प्राजक्ता हार्ट अटॅकने गेली, बदलापुरात नवऱ्याचा बनाव, गर्लफ्रेण्डचं गुपित फुटलं अन् अडीच महिन्याने धक्कादायक उलगडा
प्रवीण गोयल यांनी सांगितले की, घरी परतल्यावर त्यांच्या बहिणीने या प्रस्तावावर चर्चा करण्यासाठी त्यांना फोन केला. सिया अजून खूप लहान आहे आणि आपल्याला आधी आपल्या मुलाचे लग्न करायचे आहे असे त्यांना सुरुवातीला वाटत होते; तरीही, अगरवाल कुटुंबाची प्रतिष्ठा लक्षात घेऊन या प्रस्तावाचा विचार करावा, असे नातेवाईकांनी त्यांना पटवून दिले.

“त्यांनी मला सांगितले की हे एक प्रतिष्ठित कुटुंब आहे आणि असे प्रस्ताव वारंवार येत नाहीत. मी त्यांना सांगितले की, कोणताही निर्णय घेण्यापूर्वी मी माझी पत्नी पूजा हिच्याशी यावर चर्चा करेन,” असे ते म्हणाले. घरी या प्रस्तावावर चर्चा केल्यानंतर, हे नाते पुढे नेण्यास कुटुंब अखेरीस सहमत झाले. पूजा गोयल यांनी सांगितले की साखरपुडा निश्चित करण्यापूर्वी आम्ही सियाकडे वारंवार विचारणा केली होती.

सियाला दहा वेळा विचारलं

“आम्ही सियाला किमान दहा वेळा विचारले की तिला केतन आवडतो का आणि तिला त्याच्याशी लग्न करायचे आहे का. प्रत्येक वेळी तिने आम्हाला सांगितले, ‘हो, मला केतन आवडतो. मला त्याच्याशी लग्न करायचे आहे. माझे इतर कोणाशीही कोणतेही रिलेशनशीप नाही” असे सियाच्या आई म्हणाल्या.

सियाची संमती मिळाल्यानंतरच हे लग्न ठरवण्यात आले होते आणि लग्नासाठी तिची इच्छा नसावी असे वाटण्यासारखे कोणतेही कारण नव्हते, असे तिच्या आईबाबांनी सांगितले.
Crime News : मैत्रिणीच्या भावाला 40 फोटो आणि 3 व्हिडिओ पाठवले, दोन कुटुंब धावत पोहोचली, गाडीमध्ये युगुलाचा गूढ अंत
पुण्यातील लोहगड किल्ल्यावरुन दरीत ढकलून होणारा पती केतन अगरवाल याची हत्या करण्याचा कट सिया आणि तिचा प्रियकर चेतन चौधरी यांनी रचला होता, असा आरोप पोलिसांनी केला असून या प्रकरणाचा तपास सुरू आहे.