अपघात रोखण्याचे आव्हान
या पार्श्वभूमीवर रस्ते सुरक्षा पथकातील अधिकाऱ्यांनी प्रत्यक्ष घटनास्थळी जाऊन पाहणी करण्याचे, अपघातांची कारणे शोधण्याचे आणि तात्पुरत्या; तसेच कायमस्वरूपी उपाययोजना सुचवण्याच्या सूचना प्रादेशिक परिवहन अधिकाऱ्यांनी ‘वायुवेग पथकां’ना केल्या आहेत. जिल्ह्यातून महत्त्वाचे महामार्ग जात असून, तेथे सातत्याने अपघात होतात. हे महामार्ग आणि प्रमुख रस्त्यांवर होणारे अपघात रोखण्यासाठी प्रशासनाने महत्त्वाचे पाऊल उचलले आहे.

Pune Crime: पुण्यातील उच्चशिक्षित महिलेला मूत्र प्राशन करण्यास भाग पाडलं; शॉक देऊन अत्याचार, पोलिसांकडून ८ जणांना अटक
‘ब्लॅक स्पॉट’ म्हणजे काय?
रस्त्यावर वारंवार अपघात होणारे किंवा ठरावीक कालावधीत मोठ्या प्रमाणात गंभीर अपघात घडलेले ठिकाण म्हणजे ब्लॅक स्पॉट होय. रस्ते वाहतूक आणि महामार्ग मंत्रालयाच्या निकषांनुसार, एखाद्या ठिकाणी सलग तीन वर्षांत ठरावीक अंतराच्या (साधारणपणे ५०० मीटरच्या) परिसरात किमान पाच गंभीर अपघात होऊन दहा किंवा त्यापेक्षा अधिक व्यक्तींचा मृत्यू झाला असेल, तर त्या ठिकाणाची ‘ब्लॅक स्पॉट’ म्हणून नोंद केली जाते.

नेमके काय करणार?
-रस्ते सुरक्षा पथकातील अधिकारी प्रत्यक्ष घटनास्थळी जाऊन पाहणी करणार.
-पाहणी करून अपघातांची कारणे शोधणार.
-जिल्हाधिकाऱ्यांनी सर्व पथकांना २५ जूनपर्यंत पाहणी पूर्ण करून स्वाक्षरीसह अहवाल सादर करण्याचे आदेश दिले आहेत. -रस्ते सुरक्षा समितीच्या २९ जूनला होणाऱ्या बैठकीत अहवालावर सविस्तर चर्चा करून तातडीच्या उपाययोजना निश्चित करणार.

Pune Crime : खडकवासल्यात हिरे व्यापाऱ्याचा गूढ अंत, दोन चपलांमुळे पोलिसांना संशय, अखेर पत्नीला कॉल आला अन् मोठा भांडाफोड
संयुक्त पथके कार्यरत
अपघातांची अचूक कारणे शोधण्यासाठी परिवहन विभाग, सार्वजनिक बांधकाम विभाग, राष्ट्रीय महामार्ग प्राधिकरण, पुणे आणि पिंपरी-चिंचवड महापालिका, ‘एमएसआरडीसी’; तसेच पोलिस आदी यंत्रणांचे प्रतिनिधी एकत्र येऊन संयुक्त पाहणी करणार आहेत. त्यासाठी आठ रस्ते सुरक्षा पथके स्थापन करण्यात आली आहेत. ही पथके जिल्हा वाहतूक शाखेच्या पोलिस अधिकाऱ्यांसोबत समन्वयाने काम करतील.

महामार्गनिहाय ब्लॅकस्पॉट
४६ -पुणे-सोलापूर महामार्ग
३३ -पुणे-अहिल्यानगर
१३ -पुणे-बेंगळुरू
२२ -इतर मार्ग
७ -पुणे-पंढरपूर (जेजुरी रस्ता)