अर्थसंकल्पीय अधिवेशनात केलेल्या घोषणेनुसार मुख्यमंत्री देवेंद्र फडणीस यांनी राज्यातील शेतकऱ्यांना दोन लाख रुपयांपर्यंत कर्जमाफी देणारी ‘ पुण्यश्लोक अहिल्यादेवी शेतकरी कर्जमुक्ती ’ योजना जाहीर केली आहे. मात्र, या योजनेतील अटी-शर्ती जाचक असल्याची टीका होत असून, विरोधी पक्षाने सरसकट कर्जमाफीची मागणी केली आहे. दुसरीकडे पावसाने ओढ दिल्याने राज्यावर पाणीटंचाई आणि दुष्काळाच्या चिंतेचे ढग आहेत. जूनचा चौथा आठवडा उजाडला तरी पावसाची चिन्हे दिसत नसल्याने शेतकरी चिंतेत आहेत. संभाव्य दुष्काळी स्थिती आणि पाणीटंचाईचा मुकाबला करण्यासाठी उपाययोजना करण्याची मागणी विरोधी पक्षाकडून लावून धरली जाणार आहे.

Best Employees : बेस्ट कर्मचाऱ्यांसाठी खुशखबर! हंगामी पगारवाढ मंजूर अन् ग्रॅच्युइटीची घोषणा
गेल्या महिन्यात पिंपरी- चिंचवड परिसरात हातभट्टीची विषारी दारू प्यायल्याने २२ जण दगावले. या घटनेने राज्यात राजरोस सुरू असलेल्या हातभट्टीच्या दारूचा प्रश्न समोर आला आहे. या दुर्घटनेवरून विरोधी पक्षाकडून गृह आणि राज्य उत्पादन शुल्क खात्याला लक्ष्य करणार आहे. निवृत्त न्यायमूर्ती अनंत बदर समितीचा अहवाल जाहीर न करता अनुसूचित जातीच्या आरक्षणाचे उपवर्गीकरण करण्याचा घाट राज्य सरकारने घातला आहे. या उपवर्गीकरणाला अनुसूचित जातीतील बहुसंख्य घटकांचा विरोध असून, सरकारच्या विरोधातील रोष अधिवेशनात प्रकट होण्याची शक्यता आहे.

विधान परिषदेच्या उपसभापतींची निवड होणार?
या अधिवेशनात विधान परिषदेच्या नव्या उपसभापतींची निवड अपेक्षित आहे. स्थानिक प्राधिकारी मतदारसंघाच्या निवडणूक निकालाची अधिसूचना जारी झाल्यानंतर नव्या उपसभापती निवडीची प्रक्रिया सुरू केली जाईल. माजी उपसभापती डॉ. नीलम गोहे यांची विधान परिषदेची मुदत गेल्या महिन्यात संपल्याने उपसभापती पद सध्या रिक्त आहे. डॉ. गोहे विधान परिषदेवर पुन्हा निवडून आल्याने उपसभापती पदावर त्यांची वर्णी लावली जाण्याची शक्यता दाट आहे.

Raj Thackeray : ‘काही म्हणतात दोस्ती तुटायची नाही, काही म्हणतात थांबायचं नाही’, राज ठाकरेंचं मिश्किल वक्तव्य
पुरवणी मागणीत कर्जमाफीची तरतूद
विधिमंडळ अधिवेशनाच्या पहिल्या दिवशी सन २०२६-२७ या वर्षातील पुरवणी मागण्या सादर केल्या जातील. पुरवणी मागणीत शेतकरी कर्जमाफीसाठी लागणाऱ्या निधीची तरतूद करण्यात येणार आहे. या पुरवणी मागण्यांवर अधिवेशनाच्या दुसऱ्या आठवड्यात म्हणजे २९ आणि ३० जून रोजी चर्चा होऊन त्या मंजूर केल्या जातील.

‘कोचिंग’ विधेयकाला मुहूर्त?
मुंबई : राज्यातील कोचिंग क्लासच्या नियमनासाठी गेली दोन दशके चर्चेत असलेल्या स्वतंत्र कायद्याला अखेर यंदाच्या पावसाळी अधिवेशनात मुहूर्त मिळण्याची शक्यता आहे. आज, सोमवारपासून सुरू होणाऱ्या अधिवेशनात कोचिंग क्लास नियमन विधेयक सादर करण्यात येणार असल्याचे संकेत शालेय शिक्षण विभागातील वरिष्ठ सूत्रांनी दिले. विद्यार्थ्यांची किमान संख्या, सुरक्षेचे निकष, शुल्क आकारणी, पायाभूत सुविधा, तसेच क्लासच्या वेळांबाबत स्पष्ट नियमावली या विधेयकात असण्याची शक्यता व्यक्त केली जात आहे.