म. टा. प्रतिनिधी, पुणे: नसरापूर येथील तीन वर्षीय चिमुकलीच्या मृतदेहाचे शवविच्छेदन अहवाल, वैद्यकीय दाखले आणि तिच्या शरीरावरील जखमांचे सविस्तर विश्लेषण करून त्या ३९ मिनिटांत झालेल्या अत्याचारांचे पुरावे विशेष सरकारी वकील अजय मिसर यांनी न्यायालयात मांडले. ‘सीसीटीव्ही फुटेज, ‘डीएनए’चा अहवाल आणि अन्य पुराव्यांच्या आधारे आरोपीचा खोटेपणा उघडा पाडताना संपूर्ण दोषारोप सिद्ध करून त्याला कठोर शिक्षा व्हावी,’ अशी मागणी ॲड. मिसर यांनी न्यायालयाकडे केली. या प्रकरणाचा येत्या २५ जूनला निकाल लागण्याची शक्यता आहे.
चिमुकलीचे अपहरण, लैंगिक अत्याचार आणि हत्या प्रकरणातील आरोपी भीमराव कांबळे याने पीडितेला दुपारी तीन वाजून १२ मिनिटांनी घटनास्थळाकडे नेले. त्यानंतर, दुपारी तीन वाजून ५१ मिनिटांनी तो त्याच घटनास्थळावरून एकटाच परत येत असल्याचे सीसीटीव्ही फुटेजमधून दिसते. या तांत्रिक पुराव्यावरून पीडिता ही तब्बल ३९ मिनिटे आरोपीच्या ताब्यात होती, हे सिद्ध होते. यादरम्यान, त्याने पीडितेवर अत्यंत पाशवी अत्याचार व अनैसर्गिक संभोग केला. त्यानंतर, तिची निर्घृण हत्या करून मृतदेह लपवून ठेवला, अशी माहिती विशेष सरकारी वकील मिसर यांनी न्यायालयाला दिली.
Pune Crime : होणाऱ्या बायकोच्या बर्थडेचं सेलिब्रेशन , सोबत दोन जवळचे मित्र, लोहगडावर केतनच्या मृत्यूआधी काय घडलं? घटनाक्रम समोर
नसरापूर येथील तीन वर्षीय मुलीवरील अत्याचाराच्या प्रकरणाची जिल्हा व सत्र न्यायालयातील विशेष न्यायाधीश एस. आर. साळुंखे यांच्या न्यायालयात सुनावणी सुरू आहे. ॲड. मिसर आणि त्यांचे सहकारी ॲड. प्रथमेश शिंगणे यांनी सर्वोच्च न्यायालयाचे न्यायनिवाडे न्यायालयासमोर शनिवारी झालेल्या अंतिम युक्तिवादादरम्यान ठेवले. पीडितेच्या मृत्यूनंतरही आरोपीने निर्लज्जपणे तिच्या मृतदेहावर अत्याचार केले, याकडे त्यांनी लक्ष वेधले.
सुनावणीदरम्यान, सरकार पक्षातर्फे नसरापूर प्रकरणातील आरोपीवर लावलेल्या प्रत्येक कायदेशीर कलमाची व्याख्या स्पष्ट करून तपास यंत्रणेने गोळा केलेल्या सहा सीसीटीव्ही फुटेजचा आधार घेऊन गुन्ह्याचा घटनाक्रम मांडला. पीडितेचा शवविच्छेदन अहवाल, वैद्यकीय दाखले आणि तिच्या शरीरावरील जखमांचे सविस्तर विश्लेषण करून त्या ३९ मिनिटांत झालेल्या अत्याचारांचे पुरावे या वेळी न्यायालयापुढे सादर करण्यात आले आहेत.
Pune News | पुणे पोलिसांचा प्रताप, विकास लवांडेंचे गंभीर आरोप
आरोपीच्या खोटेपणाचा पर्दाफाश
अहवाल आणि ‘डीएनए’ प्रोफाइलिंगच्या वैज्ञानिक पुराव्यांच्या आधारे आरोपीचा गुन्ह्यातील सहभाग निर्विवादपणे सिद्ध करण्यात आला. घटनेनंतर आरोपीच्या वर्तनातील संशयास्पद बाबी आणि त्याला यापूर्वीच्या खटल्यांमुळे असलेल्या कायद्याच्या ज्ञानाचा वापर करून त्याने पुरावे नष्ट करण्याचा प्रयत्न कसा केला, याकडे विशेष सरकारी वकिलांनी न्यायालयाचे लक्ष वेधले.
हे होते महत्त्वाचे पुरावे
-आरोपीने घटनास्थळाची रेकी केली
-मुख्य साक्षीदार आणि बालसाक्षीदारांचे जबाब भक्कम
-घटनास्थळ पंचनामे, आरोपीची ओळख परेड यातून गुन्ह्याची साखळी सिद्ध
-पुराव्यांमध्ये छेडछाड झालेली नसल्याचेही स्पष्ट
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा