शहरातील शांतीनगर भागातील सेवानिवृत्त रेल्वे कर्मचारी अर्जुन देवरे यांना हृदयाचा त्रास झाल्याने नाशिक येथील खासगी रुग्णालयात त्यांच्यावर उपचार सुरू होते. त्यांच्या पत्नी सुनंदा देवरे या कुटुंबीयांसोबत नाशिकला रुग्णालयात उपस्थित राहून त्यांची सुश्रूषा करीत होत्या. मात्र, प्रकृती अत्यवस्थ असल्याने चढ-उतार सुरूच होते. या काळात काही वेळासाठी त्या आदल्या रात्री मनमाडला घरी आल्या होत्या. आवश्यक वस्तू घेऊन त्या दुसऱ्या दिवशी पुन्हा नाशिकला जाणार होत्या.

Nashik Politics: वादग्रस्त फाइलसाठी नगरसेवकाचा कनिष्ठ अभियंत्यावर हात उगारत थयथयाट, महापालिकेतच वादावादी, नेमकं काय घडलं?
दरम्यान, गुरुवारी नाशिकला निघण्यापूर्वीच अर्जुन देवरे यांचे रुग्णालयात निधन झाले आणि मृतदेह घेऊन मनमाडकडे आप्तेष्ट निघाले. सायंकाळी पाच वाजता अंत्ययात्रा निघणार असल्याची माहिती सर्वांना देण्यात आली. मात्र, घरात शोककळा असतानाच सुनंदा देवरे (वय ६८) यांची प्रकृती बिघडली. त्यांनाही हृदयविकाराचा झटका आल्याने मनमाडच्या खासगी रुग्णालयात दाखल करण्यात आले. पतीच्या निधनानंतर अवघ्या दोन तासांत त्या अत्यवस्थ झाल्या; मात्र पतीचा मृतदेह घरी पोहोचण्यापूर्वीच सुनंदा यांचे निधन झाले. परिणामी, पती-पत्नी दोघांचीही अंत्ययात्रा एकाच दिवशी काढावी लागली.

Nashik Crime: आदिवासी मुली विकणाऱ्या टोळीचा पर्दाफाश; हरसूलमधील अल्पवयीन मुलीची अहिल्यानगरात विक्री, 10 जण ताब्यात
यापूर्वी मुलाचाही मृत्यू
देवरे पती-पत्नींना दोन मुली असून, एक मुलगा आहे. त्यांच्या विवाहित तरुण मुलाचे दोन वर्षांपूर्वी हृदयविकारानेच निधन झाले होते. ही माहिती देवरे यांचा पुतण्या केतन याने दिली.