या घटनेत क्रिकेट प्रशिक्षक विवेक दुगम आणि अक्षय देवडवार (दोघेही रा. बार्शी), संतोष ठोंबरे व मातृभूमी प्रतिष्ठानचे सर्व संचालक मंडळ आणि बार्शी तालुका क्रिकेट असोसिएशन मंडळाच्या सर्व संचालकांविरोधात सदोष मनुष्यवधाचा गुन्हा दाखल करण्यात आला आहे. या घटनेमुळे संपूर्ण प्रचंड खळबळ उडाली असून, पालकांमधून तीव्र संताप व्यक्त होत आहे.

Supriya Sule: काँग्रेसचे नेते पवारांच्या राष्ट्रवादीवर संतापले, सुप्रिया सुळेंसमोर जाहीर नाराजी; पुण्यात मविआच्या बैठकीत नेमकं काय घडलं?
आरवचे वडील योगीराज नारायण चौधरी (वय ४५) यांनी या प्रकरणी फिर्याद दिली आहे. ‘मातृभूमी प्रतिष्ठान, बार्शी’ आणि ‘बार्शी तालुका क्रिकेट असोसिएशन मंडळा’च्या वतीने सहा ते १८ वर्षे वयोगटातील मुलांसाठी शिबिर आयोजित करण्यात आले होते. या शिबिरासाठी आरवच्या वडिलांनी ३,५०० रुपये फी भरली होती.

Ladki Bahin Yojana: ‘लाडक्या बंधूं’ना दणका! लाडकी बहीण योजनेचा लाभ घेणारे 14 हजार पुरुष कचाट्यात, सरकार पैसे वसूल करणार?
३० मे रोजी सकाळी मैदानावर सराव सुरू असताना, खेळपट्टी व्यवस्थित करण्यासाठी तिथे असलेला अवजड लोखंडी रोलर फिरवण्याचे ठरले; परंतु रोलर चालवण्यासाठी कोणतीही मोठी व्यक्ती, ट्रॅक्टर किंवा तज्ज्ञ मजूर मैदानावर उपस्थित नव्हता. मैदानावर उपस्थित असलेले क्रिकेट प्रशिक्षक विवेक दुगम आणि अक्षय देवडवार यांनी १२ ते १५ वर्षे वयोगटातील लहान मुलांनाच रोलर ओढण्यास सांगितले. अचानक आरवचा पाय घसरला आणि तो खेळपट्टीवर खाली पडला. रोलरचा वेग आणि प्रचंड वजन यामुळे इतर लहान मुलांना रोलर तत्काळ रोखता आला नाही. परिणामी, तो रोलर थेट आरवच्या छातीवरून आणि पायावरून गेला. या भीषण अपघातात आरवच्या शरीराला गंभीर अंतर्गत दुखापत झाली आणि अंतर्गत अवयव निकामी होऊन मोठ्या प्रमाणावर रक्तस्राव सुरू झाला. मैदानावर रक्ताच्या थारोळ्यात पडलेल्या आरवला पाहून इतर मुलांनी आणि पालकांनी एकच हंबरडा फोडला.

या संपूर्ण दुर्घटनेला क्रिकेट कॅम्पचे आयोजक आणि प्रशिक्षक यांचा अक्षम्य निष्काळजीपणा कारणीभूत असल्याचा आरोप आरवच्या वडिलांनी केला आहे. बार्शी शहर पोलिस ठाण्याचे सहायक पोलिस उपनिरीक्षक महेश अंबादास गळगटे तपास करीत आहेत.