पुणे : ऊर्जा आणि तापमान नियंत्रण उपाययोजना या क्षेत्रातील जागतिक आघाडीची कंपनी अग्रेको इंडिया पुढील दहा वर्षांत पुण्यामध्ये ४०० कोटी रुपयांची गुंतवणूक करणार आहे. या संदर्भात कंपनीने सोमवारी मुख्यमंत्री देवेंद्र फडणवीस यांच्या उपस्थितीत राज्य सरकारशी करार केला. या गुंतवणुकीमुळे एक हजारहून अधिक थेट रोजगार निर्मिती होणार आहे.
अग्रेको कंपनी पुणे जिल्ह्यातील फुलगाव येथे अत्याधुनिक जागतिक अभियांत्रिकी आणि उत्पादन केंद्र उभारणार असून, त्याचे काम याच वर्षी सुरू होणार आहे. विशेष म्हणजे, स्कॉटलंडबाहेर उभारले जाणारे हे ‘अग्रेको’चे जगातील सर्वांत मोठे आणि महत्त्वाचे केंद्र असणार आहे. या प्रकल्पामुळे स्थानिक पुरवठा साखळीला मोठी चालना मिळणार असून सूक्ष्म, लघु आणि मध्यम उद्योगांना जागतिक पुरवठा साखळीशी जोडण्याची संधी उपलब्ध होणार आहे; तसेच अत्याधुनिक उत्पादन, ऊर्जा उपकरण निर्मिती आणि प्रीसिजन इंजिनीअरिंग क्षेत्रात महाराष्ट्राची क्षमता अधिक मजबूत करण्यास हातभार लाभणार आहे.
Bandu Andekar: बंडू आंदेकर तुरुंगातून सूत्र हलवतोय? तपासादरम्यान धक्कादायक बाबी समोर; पोलिसांकडून अखेर कठोर पाऊल
पुणे येथील प्रकल्पासाठी सरकारकडून आवश्यक परवानग्या, नोंदणी, मंजुरी, सवलती आणि अन्य प्रशासकीय बाबींमध्ये विद्यमान धोरणांनुसार सहकार्य करण्यात येणार आहे. उद्योग, ऊर्जा, कामगार आणि खनिकर्म विभागांच्या माध्यमातून या गुंतवणुकीला गती देण्यात येणार आहे.
या कराराद्वारे कार्यक्षम ऊर्जा आणि शाश्वत तंत्रज्ञानावर आधारित उपाययोजना विकसित करण्यावर भर दिला जाईल, तसेच विविध क्षेत्रांमध्ये ऊर्जा कार्यक्षमता वाढवणे, कार्बन उत्सर्जन कमी करण्यावर भर दिला जाणार आहे.
Pune MLC Election: पुण्यात विधानपरिषदेसाठी भाजपच्या ‘गणिता’ला राष्ट्रवादीकडून चोख प्रत्युत्तर; संख्याबळाचा आकडाच सांगितला!
‘आत्मनिर्भरतेकडे देशाची वाटचाल’
मुंबई : मोदी सरकारच्या तपपूर्तीनिमित्त ‘राष्ट्रनिर्माणाची तपपूर्ती’ या विशेष संग्राह्य अंकाचे प्रकाशन सोमवारी मुख्यमंत्री देवेंद्र फडणवीस यांच्या हस्ते झाले. या वेळी ‘अर्थव्यवस्था म्हणून भारताने केलेली प्रगती थक्क करणारी असून १२ वर्षांच्या काळात आत्मनिर्भर भारत म्हणून आपला देश जगाच्या पाठीवर स्वाभिमानाने उभा असलेला पाहावयास मिळत आहे,’ असे गौरवोद्गार मुख्यमंत्र्यांनी काढले.
पुणे आता ग्लोबल कॅपॅबिलिटी सेंटर्सचे (जीसीसी) एक महत्त्वाचे बनत असून या जीसीसी राजधानीत अग्रेको कंपनीचे स्वागत आहे. भारतात विशेषतः महाराष्ट्रात या कंपनीला उत्कृष्ट कार्यपरिसर मिळेल. – देवेंद्र फडणवीस, मुख्यमंत्री
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा