Mumbai Crime : इमारतीच्या पाचव्या मजल्यावरील बेडरुममध्ये पोलिसांना बिअरच्या रिकाम्या बाटल्या, एक फुटलेली बाटली, मृत राजेशचा टी-शर्ट आणि घटनेपूर्वी त्या फ्लॅटमध्ये अनेक जणांची उपस्थित होती, हे दर्शवणारे पुरावे आढळले
सुरुवातीला अपघाती मृत्यूची नोंद
गेल्या वर्षी ९ ऑक्टोबर रोजी कुर्ला पश्चिम येथील एचडीआयएलच्या एका ओस पडलेल्या इमारतीच्या पाचव्या मजल्यावरुन राजेश परमार याने उडी मारल्याचे सांगण्यात येते. विनोबा भावे नगर पोलिसांनी सुरुवातीला या घटनेची अपघाती मृत्यू म्हणून नोंद केली होती. मात्र राजेशच्या कुटुंबीयांकडे केलेल्या चौकशीदरम्यान हे प्रकरण लैंगिकतेवरुन झालेल्या ब्लॅकमेल आणि जीव देण्यास प्रवृत्त करण्याशी संबंधित असल्याचे निष्पन्न झाले, असे पोलिसांनी सांगितले.
इमारतीच्या पाचव्या मजल्यावर पोलिसांना बिअरच्या रिकाम्या बाटल्या, एक फुटलेली बाटली, मृत राजेशचा टी-शर्ट आणि घटनेपूर्वी त्या फ्लॅटमध्ये अनेक जणांची उपस्थित होती, हे दर्शवणारे पुरावे आढळले; अशी माहिती गुन्हे शाखेच्या एका अधिकाऱ्याने दिली.
व्यवस्थेविरुद्ध आक्रोश, अभिजीत दिपकेचं अकाऊंट बंद, अंजली दमानिया कॉकरोच पार्टीसोबत!
चौघांचा माग काढला
पोलिसांनी नंतर परिसरातील सीसीटीव्ही फुटेजची तपासणी केली आणि चार तरुणांचा शोध लावला — प्रीतम फुलचंद यादव, फैजान अली अन्सार अहमद शाह, प्रकाश रामकुमार गुप्ता आणि १७ वर्षीय अल्पवयीन मुलगा — जे राजेशच्या मृत्यूच्या काही काळ आधी त्याच्यासोबत उपस्थित होते, असा आरोप आहे.
Gaondevi Fire : 42 व्या वर्षी घरी पाळणा हलला, पण लेकीच्या जन्मानंतर दोनच महिन्यात आक्रित, गावदेवी मार्केट आगीत पित्याचा करुण अंत
डेटिंग अॅपवर भेट, पैसे उकळण्याचा कट
चौकशीदरम्यान पोलिसांना समजले की, आरोपींनी एका ‘डेटिंग ॲप’च्या माध्यमातून आमिष दाखवून राजेशला त्या ओसाड इमारतीकडे बोलावले होते. राजेशच्या लैंगिक प्रवृत्तीबद्दल समजल्यानंतर, त्याच्याकडून पैसे उकळण्याचा कट त्या अल्पवयीन आरोपीने रचला होता, असा दावा पोलिसांनी केला आहे.
पोलिसांनी नोंदवलेल्या जबाबांनुसार, राजेश परमार याला एका ओसाड इमारतीमधील फ्लॅटमध्ये नेण्यात आले; तिथे चारही आरोपींनी त्याला धमकावले, शिवीगाळ केली आणि ‘तुला पुरुष आवडतात, हे उघड करु’ असे सांगून आपल्या कुटुंबीयांना फोन करण्यासाठी त्याच्यावर दबाव टाकला.
अल्पवयीन आरोपीकडून चुकीची कबुली
चौकशीदरम्यान, त्या अल्पवयीन आरोपीने आपल्या चौघांकडून घडलेली ही “चूक” कबूल केली आणि सांगितले की त्यांनी राजेशकडे पैशांची मागणी केली होती, तसेच बिअरची बाटली फोडून व त्याला धमकावून आणखी भयभीत करण्याचा प्रयत्न केला होता.
“राजेशने आरोपींकडे आपल्या कुटुंबीयांना याबद्दल न कळवण्याची आर्त विनंती केली आणि त्यांना पैसेही देऊ केले; मात्र धमक्या देणे सुरुच राहिले. त्यानंतर काही क्षणांतच, राजेशने फ्लॅटमधील बेडरुमच्या उघड्या खिडकीतून खाली उडी मारल्याचे म्हटले जात आहे” असे गुन्हे शाखेच्या एका अधिकाऱ्याने सांगितले.Twisha Sharma Death : मी ज्या-ज्या लोकांशी फोनवर बोलले ते फक्त सांत्वनाच्या हेतूने होते! ट्विशाच्या मृत्यूनंतर फोनाफोनीवर सासूचे स्पष्टीकरण
इतरांनी थांबवूनही ऐकलं नाही
तपासादरम्यान असेही उघड झाले की, इतर तीन तरुणांनी त्या अल्पवयीन आरोपीला, राजेशला धमकावणे थांबवून त्याला जाऊ देण्यास सांगितले होते. मात्र त्याच्याकडून आणखी पैसे उकळण्याच्या प्रयत्नात त्या अल्पवयीन आरोपीने त्याला धमकावणे सुरुच ठेवले, असे गुन्हे शाखेच्या अधिकाऱ्याने सांगितले.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा