‘नीट’, ‘जेईई’ परीक्षेतील गैरप्रकार रोखण्यासाठी ज्युनिअर कॉलेज- कोचिंग क्लास यांचे वाढते लागेबांधे, इंटिग्रेटेड कल्चर तोडण्याची गरज आहे. यात कॉलेज प्रशासन आणि क्लासच्या प्रशासनाचे संगनमत असते. त्यामुळे विद्यार्थी कॉलेजांऐवजी क्लासला उपस्थित असतात. ‘नीट’ पेपरफुटी प्रकरणी पी. व्ही. कुलकर्णी यांनी काम केलेल्या दयानंद सायन्स कॉलेज; तसेच मनीषा मांढरे काम करीत असलेल्या मॉडर्न कॉलेज ऑफ आर्ट, सायन्स, कॉमर्सच्या प्रशासनाची चौकशी होणे गरजेचे आहे. तशी मागणी शालेय शिक्षणमंत्री दादा भुसे आणि शिक्षण उपसंचालक डॉ. गणपत मोरे यांच्याकडे केल्याचे युवा सेनेचे सहसचिव कल्पेश यादव यांनी सांगितले.

लातूर कनेक्शन

‘नीट’ पेपरफुटी प्रकरणातील प्रमुख संशयित पी. व्ही. कुलकर्णी उर्फ प्रल्हाद कुलकर्णी हे लातूर येथील दयानंद महाविद्यालयातून निवृत्त झाल्यानंतर काही काळ मोटेगावकर सरांच्या आरसीसी कोचिंग क्लासमध्ये कार्यरत होते, असा दावा महाराष्ट्र प्रदेश युवक काँग्रेसचे अक्षय जैन यांनी केला आहे. या प्रकरणात संबंधितांची चौकशी सुरू असल्याने ‘लातूर कनेक्शन’ला महत्त्व प्राप्त झाले आहे. या संपूर्ण प्रकरणाची सखोल चौकशी करण्याची मागणी युवक काँग्रेसतर्फे केली गेली आहे. कोचिंग संस्था आणि शैक्षणिक संस्थांशी आरोपींचे असलेले संबंध ‘सीबीआय’ने तपासावेत, अशी मागणी जैन यांनी केली आहे.
Crime News : डार्लिंग, तुझ्यासाठी दोन पेपर फोडलेत, तू मला… प्राध्यापकाची विद्यार्थिनीकडे आक्षेपार्ह मागणी; ऑडिओ क्लीप व्हायरल

परीक्षा व्यवस्थेची विश्वासार्हता धोक्यात

‘स्पर्धेच्या काळात सर्व काही पैशांनी विकत घेता येते, अशी प्रवृत्ती वाढत आहे. गुणांसाठी विद्यार्थी किंवा प्रसिद्धी व आर्थिक फायद्यासाठी काही वर्गचालक अनैतिक मार्गांचा अवलंब करीत आहेत. यामुळे प्रामाणिक विद्यार्थ्यांना मानसिक धक्का बसतो, परीक्षा व्यवस्थेची विश्वासार्हता धोक्यात आली आहे. पैशाचा व सत्तेचा प्रभावही स्पष्टपणे जाणवतो. नीट परीक्षेबाबत यापूर्वीही शंका उपस्थित होऊनही सुरक्षित व न्याय्य पद्धती उभारण्यात अपयश आले. या प्रकरणाचे धागेदोरे सापडणे गंभीर असून, शिक्षक, कॉलेज, संस्था, क्लास यांची सखोल चौकशी होऊन, कारवाई करणे आवश्यक आहे,’ असे ‘आप पालक युनियन’चे मुकुंद किर्दत यांनी सांगितले.

मॉडर्न कॉलेजच्या प्रशासनाचा मांढरे यांच्या ‘एनटीए’च्या व्यवहाराशी कोणताही संबंध नाही. मांढरे यांच्यावर शिस्तभंगाची कारवाई करण्यात येणार असल्याचे प्रसिद्धीपत्रकाद्वारे जाहीर केले आहे.
Drum Murder Case : 24 वर्षीय प्रियकराचा खून, विवाहित नर्सचं पतीच्या साथीने कृत्य, बॉडी निळ्या ड्रममध्ये सापडली, महिन्याभराने फिल्मी स्टाईल उलगडा

‘धर्मेंद्र प्रधान यांची हकालपट्टी करा’

पेपरफुटीमुळे ‘नीट’ रद्द करावी लागली, ही सरकारची नामुष्की आहे. देशातील २३ लाख विद्यार्थ्यांना मानसिक त्रास सहन करावा लागत आहे. याबद्दल केंद्रीय शिक्षणमंत्री धर्मेंद्र प्रधान यांची मंत्रिपदावरून हकालपट्टी करावी. विद्यार्थ्यांना नुकसान सोसावे लागले आहे. त्याची भरपाई सरकारकडून मिळावी, अशा मागण्यांसाठी पुणे शहर महिला काँग्रेसच्या वतीने अध्यक्ष स्वाती शिंदे आणि उपाध्यक्ष प्राजक्ता जाधव यांच्या नेतृत्वात बिबवेवाडी येथे आंदोलन करण्यात आले. महिला काँग्रेसच्या राष्ट्रीय समन्वयक प्रिया वंदना, अनिता मकवाना, अंजली सोलापुरे, ॲड. भावना बोराटे, रेखा जैन, अंजली देसाई, ज्योती अडागळे आणि पदाधिकारी सहभागी झाले होते.