Pimpri Chinchwad AJ Furniture Mall Firing Video : राज्यात गुन्हेगारीचं प्रमाण वाढत असताना पिंपरी-चिंचवडमध्ये एक मोठी घटना समोर आली आहे. या घटनेनं संपूर्ण महाराष्ट्रात खळबळ उडाली आहे.
शुभम लोणकरची फेसबुक पोस्ट
दरम्यान, या गोळीबाराची जबाबदारी लॉरेन्स बिष्णोई गँगचा सदस्य असल्याचा दावा करणाऱ्या शुभम लोणकर याने सोशल मीडियावर पोस्ट शेअर करत स्वीकारली आहे. या पोस्टमध्ये मॉल मालक अशोक नयन यांच्यावर एमडी ड्रग्स आणि हवाला व्यवहाराचे आरोप करण्यात आले आहेत. तसेच ‘हा फक्त ट्रेलर आहे, पुढची गोळी थेट डोक्यात घालू’, अशी थेट धमकी देण्यात आली आहे. पोस्टमध्ये आणखी एका व्यक्तीचा उल्लेख करण्यात आला असून ‘वीर फर्निचर’शी संबंधित मुकेश सहराना यांनाही जीवे मारण्याची धमकी देण्यात आली आहे. त्यामुळे व्यापारी वर्गात भीतीचं वातावरण निर्माण झालं आहे.
Nashik TCS News : मुक्काम कारागृहातच; धर्मांतर प्रकरणात AGMसह पाच जणांचे जामीन अर्ज कोर्टाने फेटाळले, TCS प्रकरणात मोठी घडामोड
आरोपी बेधडकपणे आले अन्…
घटनेनंतर पिंपरी-चिंचवड पोलीस तत्काळ ॲक्शन मोडमध्ये आले. पोलिसांनी घटनास्थळी धाव घेत तपास सुरू केला असून फॉरेन्सिक टीमलाही पाचारण करण्यात आलं होतं. घटनास्थळावरून पुरावे गोळा करण्यात आले आहेत. सीसीटीव्ही फुटेजच्या आधारे पोलिसांकडून गोळीबार करणाऱ्या दोघांचा शोध सुरू आहे. तसेच सोशल मीडियावर व्हायरल झालेल्या पोस्टची सत्यता आणि त्यामागील कनेक्शनही तपासलं जात आहे.Dhule Crime : बायकोसमोर अपमान केल्याचा राग, मुलाने जन्मदात्या आई-वडिलांचा जीव घेतला, लेकीच्या लग्नाचा आनंद विरला
प्रत्यक्षदर्शींच्या माहितीनुसार, आरोपी अतिशय बेधडकपणे आले आणि काही सेकंदात गोळीबार करून पसार झाले. या घटनेनंतर परिसरात तणावाचं वातावरण असून व्यापाऱ्यांमध्येही भीतीचं वातावरण निर्माण झालं आहे. या गोळीबारामागे खंडणी, गँगवॉर की आणखी कोणतं मोठं रॅकेट कार्यरत आहे, याचा तपास आता पोलीस करत आहेत. मात्र सोशल मीडियावरून खुलेआम देण्यात आलेल्या धमक्यांमुळे पिंपरी-चिंचवडमधील कायदा आणि सुव्यवस्थेचा प्रश्न पुन्हा ऐरणीवर आला आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा