केंद्रीय रस्ते वाहतूक मंत्री नितीन गडकरी गुरुवारी सोलापूर जिल्ह्यातील अक्कलकोट येथे रस्ते कामाच्या उद्घाटनसाठी आले होते. या कार्यक्रमाला सोलापूर जिल्ह्यातील सर्वच पक्षाचे आमदार खासदार उपस्थित होते. विशेष म्हणजे काँग्रेस खासदार प्रणिती शिंदे या देखील या कार्यक्रमात उपस्थित होत्या. प्रणिती शिंदे यांनी सभेला संबोधित करताना केंद्रीय मंत्री नितीन गडकरी यांच्या कामाची स्तुती केली. तुमच्यासारख्या नेत्याची महाराष्ट्राला उणीव आहे, असं म्हणत गडकरी मुख्यमंत्री असायला हवे होते, अशी इच्छा प्रणिती शिंदेंनी व्यक्त केली.