शिवसेना सचिव भाऊसाहेब चौधरी यांनी मुंबईत पत्रकार परिषद घेऊन याबाबत माहिती दिली. श्रीकांत शिंदे यांच्याकडे मुंबई आणि ठाणे लोकसभा क्षेत्राची जबाबदारी सोपविण्यात आली आहे. यानंतर त्यांनी मुंबई आणि ठाणे परिसरात संवाद दौरे पूर्ण केले असून त्यानंतर मराठवाडा आणि पश्चिम महाराष्ट्रातील काही जिल्ह्यांमध्येही दौरे केले होते.

Rohit Pawar: आरोपांचा अहवाल जाहीर करा! MMRDAबाबत आमदार रोहित पवार यांची मागणी
२०२४च्या विधानसभा निवडणुकीपूर्वीही त्यांनी राज्यातील ६५ ते ७० विधानसभा मतदारसंघांचा दौरा करत तळागाळातील कार्यकत्यांशी थेट संवाद साधला होता. मोठ्या सभांपेक्षा प्रत्यक्ष भेटींवर भर देत कार्यकत्यांकडून सूचना, मते आणि स्थानिक पातळीवरील माहिती जाणून घेत निवडणूक रणनीती आखली होती. पक्ष संघटना अधिक सक्षम करण्यासाठी अशा संवाद दौऱ्यांना महत्त्वपूर्ण मानले जाते. याच पद्धतीने आता पुन्हा एकदा श्रीकांत शिंदे हे राज्यव्यापी दौरा करणार आहेत.

या दौऱ्यात आगामी स्थानिक स्वराज्य संस्थांच्या निवडणुकांची तयारी, बूथस्तरावरील पक्षबांधणी, संघटनात्मक रणनीती, विविध आघाड्या आणि विभागांच्या कामकाजाचा सखोल आढावा घेतला जाणार आहे. विशेषतः ‘एसआयआर’ मोहिमेअंतर्गत बीएलए आणि बूथ प्रमुखांच्या नियुक्त्यांबाबतही चर्चा होणार आहे.

PM Modi यांचं खाद्यतेल, पेट्रोल-डिझेल कमी वापरण्याचं, सोने वर्षभर खरेदी न करण्याचं आवाहन, मुख्यमंत्र्याची पहिली प्रतिक्रिया काय?
…असा असेल दौरा
खासदार शिंदे यांच्या दौऱ्याची सुरुवात उत्तर महाराष्ट्रातून होत असून, पहिल्या टप्प्यात मे महिन्यात नाशिक, धुळे, अहिल्यानगर, बीड, अमरावती आणि अकोला जिल्ह्यांमध्ये बैठकी होणार आहेत. दुसऱ्या टप्प्यात जून महिन्यात जळगाव, नंदुरबार, यवतमाळ, वाशिम, नांदेड, हिंगोली, वर्धा, चंद्रपूर आणि गडचिरोली जिल्ह्यांमध्ये संवाद दौरा पार पडणार आहे. तिसऱ्या टप्प्यात जुलै महिन्यात बुलढाणा, जालना, नागपूर, भंडारा, गोंदिया, ठाणे आणि पालघर या जिल्ह्यांचा समावेश राहणार आहे .