Dwarka Circle- Nashik Road: सिंहस्थ कुंभमेळ्याच्या पार्श्वभूमीवर न्हाईने या प्रकल्पाला हिरवा कंदील दर्शवला आहे. त्यामुळे या महिनाअखेरीस रस्त्याच्या कामाला सुरुवात होणार आहे. यामुळे कोंडी फुटण्यास मदत होणार आहे.
शहराच्या मध्य वस्तीत द्वारका चौक हा मोठा जंक्शन बनला असून, सिंहस्थाच्या पार्श्वभूमीवर या चौकातील कोंडी फोडण्यासाठी अंडरपास तयार करण्याचे काम सुरू आहे. मात्र, नाशिक-पुणे रस्त्यावरील द्वारका ते दत्त मंदिर नाशिकरोडदरम्यान मोठी वाहतूक कोंडी निर्माण होत आहे. नाशिकरोडसह सिन्नर, शिर्डीकडे मोठ्या प्रमाणावर वाहने जातात. परिणामी, द्वारका चौक ते दत्तमंदिर सिग्नल या दरम्यान सतत कोंडी होत असते. द्वारका चौकासह बोधलेनगर, गांधीनगर, उपनगर, नेहरूनगर परिसरातील कोंडी कायमची सुटावी, यासाठी चार वर्षांपूर्वी भारतमाला योजनेअंतर्गत द्वारका ते दत्त मंदिर उड्डाणपूल मंजूर करण्यात आला होता.
Nashik Farmer Death: कांदा वाचविण्याच्या प्रयत्नात गेला जीव; वादळी वाऱ्यामुळे अंगावर झाड पडून शेतकऱ्याचा मृत्यू, बागलाण तालुक्यातील घटना
मेट्रोनिओमुळे हा उड्डाणपूल अडचणीत आला होता. मेट्रोनिओ प्रकल्प जवळपास रद्द झाल्यात जमा आहे. त्यामुळे डबलडेकर पूलदेखील रद्द होणार आहे. त्यामुळे महापालिका आयुक्त मनीषा खत्री यांनी या मार्गाच्या रस्ता रुंदीकरणाचा प्रस्ताव न्हाईकडे सादर केला होता. सिंहस्थाच्या पार्श्वभूमीवर या रस्ता रुंदीकरणाबाबत न्हाई आणि महापालिकेच्या प्रशासनांमध्ये अनेक बैठकी झाल्या. त्यात शुक्रवारी दिल्लीत वाहतूक व दळणवळण मंत्रालयात महापालिका आणि ‘न्हाई’च्या अधिकाऱ्यांची बैठक झाली. आयुक्त खत्री उपस्थित होत्या. बैठकीत संबंधित मंत्रालयाने द्वारका ते दत्त मंदिर या रस्त्याच्या २२० कोटींच्या कामाला अंतिम मंजुरी दिल्याने महापालिकेला दिलासा मिळाला आहे.
SSC Result 2026 Success Story: अपघाताच्या वेदनेवर हिमतीने मात; रुग्णवाहिकेतून परीक्षा देऊन नाशिकच्या हर्षलने 10वीत मिळवले 77 टक्के
२०२७ पर्यंत रुंदीकरणाचे लक्ष्य
सिंहस्थ कुंभमेळ्याच्या पार्श्वभूमीवर कोंडी फोडण्यासाठी महापालिकेची न्हाईसोबत चर्चा सुरू असतानाच, द्वारका सर्कल ते दत्त मंदिर या मार्गाच्या रुंदीकरणासाठी महापालिकेने १७मार्चला निविदाप्रक्रिया सुरू केली आहे. आता न्हाईने अंतिम मंजुरी दिल्याने महापालिकेने मार्च २०२७ पर्यंत काम पूर्ण करण्याचे लक्ष्य ठेवले आहे. निविदाप्रक्रिया मेअखेरपर्यंत पूर्ण होणार आहे.
द्वारका ते दत्त मंदिर चौकापर्यंत रस्ता रुंदीकरणास राज्य वित्तीय आयोग आणि वाहतूक व दळणवळण मंत्रालयाकडून अंतिम मंजुरी मिळाली आहे. २२० कोटींच्या खर्चास वित्तीय मान्यता मिळाली असून, महिनाअखेरीस काम सुरू केले जाईल. – मनीषा खत्री, आयुक्त महापालिका, नाशिक
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा