नेमकं प्रकरण काय?
मुलुंड पूर्वेकडे राहणारी वासंती (बदललेले नाव) ही विक्रोळी येथील कॉल सेंटरमध्ये काम करत असताना तिची ओळख कमलेश दळवी याच्यासोबत झाली. मैत्री झाल्यानंतर कमलेशने त्याच्या पत्नीचे निधन झाल्याचे सांगत सहानुभूती मिळवत वासंतीशी जवळीक साधली. वासंती ही त्याच्या बोलण्यावर विश्वास ठेवत असल्याने पाहून त्याने तिच्यावर प्रेम करीत असल्याचे सांगितले. तीन-चार वर्षांपासूनची मैत्री असल्याने वासंती हिने होकार दिला. प्रेमप्रकरणाबाबत घरीही सांगितले. त्यानंतर दोघांनी लग्न करण्याचे ठरविले.

El Nino Alert: भारतावर मोठं संकट! ‘एल निनो’मुळे हवामानात होणार उलथापालथ, काय सांगतो WMOचा अहवाल
वासंती हिनेही त्याला वेळोवेळी पैसे दिले. सन २०२० ते २०२४ या कालावधीत तिने कमलेश याला २० लाख रुपये दिले. इतकी रक्कम दिल्यानंतर वासंती हिने लग्नासाठी तगादा लावला. याचदरम्यान भावाचा अपघात झाला असून त्याला रुग्णालयात दाखल केल्याचे कमलेशने सांगताच वासंतीने दागिने गहाण ठेवून जवळपास आठ लाख रुपये दिले.

Marathi Compulsion : मराठी सक्तीवरुन संघर्ष, चालक संघटनांची गोरेगावमध्ये बैठक, तर मंत्रालयातही हाय व्होल्टेज बैठक
लग्नात वराकडचे नातेवाईक गैरहजर
मुलुंड येथे थाटात त्यांचे लग्न झाले. मात्र लग्नात कमलेशकडून कुणीच नातेवाईक नव्हते, त्यामुळे संशय होताच! त्यातच लग्नानंतरही राहण्यासाठी भाड्याने घर घेण्यास तो पैसे मागू लागला. त्यावेळी कमलेशकडे राहण्यास घरही नसल्याचे समजले. पितळ उघडे पडत असल्याचे पाहून कमलेश पसार झाला आणि वासंतीने नवघर पोलिस ठाण्यात तक्रार केली.