Mumbai-Benguluru Bypass: सप्टेंबर 2024मध्ये मुठा नदीवर दोन नदीपूल बांधण्याचं काम सुरू झालं होतं. त्यानंतर काही काळापूर्वी पहिला पूल खुला करण्यात आला असून जून महिन्यापर्यंत दुसराही सुरू होईल.
दुसरा पूल पूर्ण होण्याच्या मार्गावर
शरद पवारांच्या राष्ट्रवादी काँग्रेसच्या खासदार सुप्रिया सुळे यांनी या बायपासची पाहणी केली. या मार्गावरील कोंडी पाहून त्यांनी राष्ट्रीय महामार्ग प्राधिकरणासोबत चर्चा केली. “मी बंगळुरु-मुंबई बायपास रस्त्याचा पाठपुरावा करत आहे. मुठावरील पूल वाढीव वाहनांसाठी अरुंद असल्याने वारजे येथे अडथळा निर्माण झाला होता. अशा प्रकारे, विद्यमान पुलासह नवीन दोन पुलांचे बांधकाम हाती घेण्यात आले. एक पूल जनतेसाठी खुला करण्यात आला आहे, तर दुसऱ्या पुलाचे काम पूर्ण होण्याच्या मार्गावर आहे आणि ते जूनच्या सुरूवातीस पूर्ण होईल”, असे सुळे यांनी सांगितले.
Mumbai News: दोन उड्डाणपुलांमुळे मुंबईतील वाहतूककोंडी फुटणार! भायखळा ते सीएसएमटी प्रवास अवघ्या 10 मिनिटांत; कसे असतील मार्ग?
बायपास मार्गावर मुठा नदीवरील पुलांना जोडणारा वडगाव बुद्रुक येथे एक एलिव्हेटेड मार्ग देखील तयार करण्यात आला आहे. या मार्गावर सिंहगड रोडला जोडणाऱ्या सर्व्हिस रोडचंही काम सुरू आहे. परंतु, ते पूर्ण होण्यास आणखी काही काळ वाट पहावी लागणार आहे. हा सर्व्हिस रोड तयार होताच या नव्या एलिव्हेटेड रोडवरील कोंडी कमी होणार आहे.
कसा होईल फायदा?
“वारजे येथील बेंगळुरू-मुंबई बायपासवरील मुठा नदीवरील पूल जूनमध्ये दोन्ही बाजूंनी जनतेसाठी खुला केला जाईल. यामुळे विद्यमान पुलावरील वाहतुकीची कोंडी दूर होईल,” असे एनएचएआयचे ओंकार जगदाळे यांनी सांगितले. जगदाळे म्हणाले की, मुंबई ते बेंगळुरू दिशेने पूल पूर्ण झाला आहे, तर बेंगळुरू ते मुंबई दिशेने एक पूल बांधला जात आहे.
Mumbai Water Cut: ऐन उन्हाळ्यात मुंबईत पाणीकपात! बुधवारी 18 तास पुरवठा बंद; दादर, भायखळा, परळसह अनेक भागांना फटका
केंद्रीय रस्ते आणि महामार्ग मंत्री नितीन गडकरी यांच्या हस्ते सप्टेंबर 2024 मध्ये या प्रकल्पाचे भूमिपूजन करण्यात आले होती. 52.68 कोटी रुपये खर्चाच्या या प्रकल्पात सध्या अस्तित्वात असलेल्या पुलाच्या दोन्ही बाजूंना दोन चौपदरी पूल, अनेक कल्व्हर्ट आणि इतर संबंधित पायाभूत सुविधांचा समावेश आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा