Boy Killed In Satara Over Chatting Dispute With Girl : मुलीशी व्हॉट्सॲपवर चॅटिंग केल्याच्या संशयावरून फलटण तालुक्यातील ढवळपाटी येथे १८ वर्षांच्या सोमनाथ जाधव या तरुणाची अमानुष मारहाण करून हत्या करण्यात आली. या प्रकरणी चौघांविरुद्ध खुनाचा गुन्हा दाखल झाला असून मुख्य संशयिताला अटक करण्यात आली आहे.
मुलीच्या वडिलांनी आणि भावांनी केली मारहणा
मृत तरूणाच्या वडिलांनी फलटण ग्रामीण पोलीस ठाण्यात फिर्याद दिली आहे. त्यावरून चार संशयित तरूणांवर हत्येचा गुन्हा दाखल करण्यात आला आहे. पोलिसांनी दिलेल्या माहितीनुसार, सोमनाथ जाधव हा गुरुवारी (९ मार्च) रात्री जेवण करून अंगणात झोपला होता. त्याचे एका मुलीबरोबर व्हॉट्सअपवर चॅटिंग सुरू होते. त्यानंतर तो मुलीला भेटायला गेला असता मुलीच्या वडिलांनी त्याला पाहिले. मुलीच्या वडिलांनी मुलांना बोलावून घेत सोमनाथला बेदम मारहाण केली. त्यानंतर रात्री दीडच्या सुमारास सोमनाथच्याच मोबाईलवरून त्याचे वडील संदीप जाधव यांना एका व्यक्तीचा फोन आला. त्या व्यक्तीने त्यांना ढवळपाटी येथे बोलावून घेतले.
‘जिवंत ठेवणार नाही’
सोमनाथचे वडील त्याठिकाणी पोहोचल्यानंतर एका लाल रंगाच्या कारमधून दोन जण आणि त्यांचा मुलगा सोमनाथ खाली उतरले. तुमचा मुलगा आमच्या बहिणीशी मोबाईलवर चॅटिंग करत आहे. आम्ही त्याला मारहाण केली असून आता त्याला जिवंत ठेवणार नाही, असे त्या व्यक्तीने सांगितले. तोवर तिथे आणखी दोन जण मोटारसायकलवरून आले. चौघांनी मिळून सोमनाथला अमानुष मारहाण केली. जीव वाचवण्यासाठी सोमनाथ पळू लागला.
Arvind Sawant : ‘उद्धवजींनी माझं कौतुक केलं, बैठकीत ऑपरेशन टायगर असा विषय नव्हता’; मातोश्रीतील बैठकीनंतर खासदार अरविंद सावंत काय म्हणाले?
मात्र, संबंधितांनी पाठलाग करून गाठले. जबर मारहाण करून डांबरी रस्त्यावर आपटले. यावेळी एका स्थानिक नागरिकाने मदतीसाठी धाव घेतल्यानंतर चौघेही संशयित कार आणि दुचाकीवरून पळून गेले.
उपचारादरम्यान मृत्यू, गुन्हा दाखल
बेदम मारहाणीमुळे बेशुद्ध पडलेल्या सोमनाथला तत्काळ उपचारासाठी रुग्णालयात नेण्यात आले. मात्र, उपचारादरम्यान त्याचा मृत्यू झाला. सोमनाथचे वडील संदीप उमाजी जाधव (वय ४२) यांनी फलटण ग्रामीण पोलीस ठाण्यात मुलीच्या नातेवाईकांसह एकूण चार जणांविरुद्ध फिर्याद दिली. त्यावरून खुनाचा गुन्हा दाखल करण्यात आला आहे. फलटण ग्रामीण पोलीस ठाण्याचे पोलिस निरीक्षक संदीप जगताप या घटनेचा अधिक तपास करत आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा