Live News Marathi:राज्यात रिक्षा चालविण्यासाठी मराठी भाषा येणे बंधनकारक करण्यात आले असून, याबाबत १ मेपर्यंत तपासणी करून नियमांचे पालन न करणाऱ्यांवर कारवाई करण्यात येणार येईल, असा इशारा परिवहनमंत्री प्रताप सरनाईक यांनी शुक्रवारी दिला. राज्यातील बेकायदा बाइक टॅक्सी सेवेवर कारवाई करत ओला, उबर आणि रॅपिडो यांच्या परवान्यांना तात्पुरती स्थगिती देण्यात आली आहे, असेही ते म्हणाले. दरम्यान, अमेरिका आणि इराण यांच्यात शस्त्रसंधी झाला असला तरी शनिवारी पाकिस्तानची राजधानी इस्लामाबाद येथे होणाऱ्या दोन्ही देशांच्या शिष्टमंडळाच्या चर्चेवर चिंतेचे सावट निर्माण झाले आहे. इराणने आमच्या भूभागावर हल्ले केल्याचा दावा कुवेत आणि सौदी अरेबिया यांनी केला, तर लेबनॉनवरील हल्ले थांबत नाहीत तोपर्यंत वाटाघाटी होऊ शकत नाही, अशी भूमिका इराणने घेतली.