Chhatrapati Sambhajinagar Woman ends life : अजय जेवायला बसला असताना भाजीमध्ये केस सापडला. यावरुन त्याने संताप व्यक्त करत ईश्वरीला जबर दुखापत होईपर्यंत मारहाण केली
ईश्वरी अजय बनकर , वय २५ वर्ष, असं मयत विवाहितेचं नाव आहे. तर अजय बनकर, दिनेश बनकर, दिलीप बनकर, चंद्रमणी बनकर, छाया बनकर, आशिष बनकर आणि गणेश बनकर अशी आरोपींची नावे आहेत.
नेमकं काय घडलं?
दरम्यान या प्रकरणी पोलिसांनी दिलेल्या माहितीनुसार, ईश्वरी आणि अजय यांचा विवाह २८ जून २०२० रोजी मोठ्या थाटामाटात झाला होता. अजय हा छत्रपती संभाजीनगर महानगरपालिकेच्या घनकचरा विभागात प्रभारी जवान म्हणून कार्यरत आहे. लग्नावेळी ईश्वरीच्या वडिलांनी ५ तोळे सोने, २ लाख रुपये रोख आणि सर्व घरगुती साहित्य दिले होते. तरीही, अजयला आपल्या नावावर घेतलेल्या प्लॉटचे हप्ते फेडण्यासाठी माहेरून पैशांची अपेक्षा होती. यासाठी तो वारंवार ईश्वरीला शारीरिक आणि मानसिक त्रास देत असल्याचा आरोप आहे.
त्या रात्री काय घडलं?
६ एप्रिलच्या रात्री ९ वाजताच्या सुमारास अजय जेवायला बसला असताना भाजीमध्ये केस सापडला. यावरुन त्याने संताप व्यक्त करत ईश्वरीला जबर जखमी होईपर्यंत मारहाण केली. ७ एप्रिलच्या सकाळीही त्याने पुन्हा वाद घालून तिला गंभीर आरोप करत छळले. सासरच्या इतर नातेवाईकांकडूनही तिला सतत टोमणे मारले जात होते. अखेर हा त्रास असह्य झाल्याने ईश्वरीने आपल्या राहत्या घरी गळफास घेतला.
Crime News : साखरपुड्याआधी तरुणी जिम ट्रेनर प्रियकराकडे, शरीरसंबंध ठेवताना प्रकृती बिघडली, कुटुंब म्हणालं कुठलीही तक्रार नाही, कारणही सांगितलं
माहेरच्यांचा संतप्त पवित्रा
ईश्वरीच्या मृत्यूची बातमी समजताच तिच्या माहेरच्या नातेवाईकांनी घाटी रुग्णालयात मोठा संताप व्यक्त केला. सासरच्या लोकांवर जोपर्यंत कारवाई होत नाही, तोपर्यंत बॉडी ताब्यात घेणार नाही असा पवित्रा त्यांनी घेतला होता. परिस्थितीचे गांभीर्य ओळखून छावणी पोलिसांनी तातडीने कारवाई करत पती अजय बनकर, दिनेश बनकर, दिलीप बनकर, चंद्रमणी बनकर, छाया बनकर, आशिष बनकर आणि गणेश बनकर यांच्यावर जीव देण्याला प्रवृत्त केल्याचा गुन्हा दाखल करून त्यांना अटक केली.
Kolhapur | कोल्हापुरात माहीची परंपरा, मटणाच्या वाट्यासाठी नागरिकांच्या लांबच लांब रांगा
Pune Water Park Accident : वॉटर स्लाईडवरुन घसरताना अपघात, पुण्यात 37 वर्षीय महिला गंभीर जखमी, मॅनेजमेंटची एक चूक अंगलट
सर्व सातही आरोपींना न्यायालयात हजर केले असता, न्यायालयाने त्यांना १० एप्रिलपर्यंत पोलीस कोठडी सुनावली आहे. हुंडा आणि सोन्या-चांदीचे दागिने दिल्यानंतरही एका तरुण मुलीला आपल्या प्राणास मुकावे लागल्याने संपूर्ण शहरात संताप व्यक्त केला जात आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा