कर्मवीर रावसाहेब थोरात सभागृहात शनिवारी (दि. ४) हा कार्यक्रम झाला. त्यात बावनकुळे यांनी ‘महसूल व सहकार’ या विषयावर मार्गदर्शन केले. त्यांनी राज्य शासनाकडून घेतल्या जात असलेल्या काही निर्णयांची माहिती दिली. बेगम, जहागीर नाव लावलेल्या जमिनींबाबत जिल्हाधिकारी कार्यालयातील बैठकीत चर्चा झाली. त्याबाबत लवकरच निर्णय घेतला जाणार असल्याचे ते म्हणाले.

Dindori Accident : …तर दिंडोरी अपघाताची घटना घडली नसती, निष्पाप जीवांचे प्राण वाचले असते, स्थानिकांचा नेमका आरोप काय?
शेतीतील पाणंद रस्त्यांसाठी योजना सुरू केली असून, पुढील पाच वर्षांत हे सर्व रस्ते मजबूत होतील. जमीन मोजणीला गती देण्यासाठी या कामी खासगी व्यक्तींची नेमणूक केली जात असून, पुढील वर्षापर्यंत पैसे भरल्यानंतर पंधरा दिवसांच्या आत जमीन मोजणी पूर्ण होणार असल्याचे त्यांनी सांगितले. राज्यात सात कोटी लोकांना प्रॉपर्टी कार्ड दिले जाणार असून, प्रत्येक घराचे ड्रोनद्वारे सर्वेक्षण करून मालकाला स्वामित्व सनद दिली जाणार आहे.

महाराष्ट्र हे सहकाराचे माहेरघर असून, येथून सुरू झालेली चळवळ पुढे देशाने स्वीकारली. मात्र, पुढे सहकाराचा वाईट काळ सुरू झाला. काही राजकीय नेत्यांनी त्याला राजकारणाचा अड्डा बनवले व सहकारी संस्था उद्ध्वस्त केल्या. राज्यातील आठ जिल्हा बँका बुडाल्या. नागपूर जिल्हा बँकेचे चौदाशे कोटी रुपये थकीत आहेत. मात्र, आता केंद्र व राज्य सरकारकडून सहकार क्षेत्राला बळ दिले जात आहे, असा दावाही बावनकुळे यांनी केला.

Nashik Unseasonal Rain: ‘अवकाळी’ने बिघडवले अर्थचक्र! बळीराजाला पावसाचा पुन्हा तडाखा, 28 हजार हेक्टरवरील पिके जमीनदोस्त
खासदार डॉ. शोभा बच्छाव, आमदार राहुल ढिकले, मविप्रच्या माजी सरचिटणीस नीलिमा पवार, गोदावरी बँकेचे उपाध्यक्ष वसंत खैरनार, विश्वास बँकेचे अध्यक्ष विश्वास ठाकूर, सुरेश पाटील, दत्तात्रय पिंगळे यांची प्रमुख उपस्थिती होती. गोदावरी बँकेच्या अध्यक्षा अमृता पवार यांनी प्रास्ताविक केले. अनिल भालेराव यांनी सूत्रसंचालन केले.