अंजली दमानिया यांनी समाजमाध्यमातून एक व्हिडीओ प्रसिद्ध केला आहे. मागील वर्षभरातील कथित कॉल डिटेल रेकॉर्डच्या (सीडीआर) आधारे त्यांनी कोणते राजकीय नेते अशोक खरातच्या संपर्कात होते आणि त्यांनी किती वेळा खरातला कॉल केले, याची माहिती असल्याचा दावा दमानिया यांनी केला आहे. चाकणकर यांच्या बहिणीनेही अशोक खरातला तब्बल २३६ वेळा कॉल केल्याचा दावा त्यांनी केला आहे.

Acid Attack: मालाडमध्ये 600 रुपयांच्या वादातून अंगावर फेकलं ॲसिड; 7 ते 8 जण होरपळले
आपल्याला एका अनोळखी व्यक्तीकडून अशोक खरातचा सीडीआर प्राप्त झाला. या रेकॉर्डमध्ये अनेक राजकीय नेत्यांशी झालेल्या संवादाचा तपशील असल्याचे दमानिया यांनी म्हटले आहे. त्यांच्या दाव्यानुसार चाकणकर यांनी वर्षभरात अशोक खरातला तब्बल १७७ वेळा कॉल केले. या दोघांमध्ये एकूण सुमारे ९ तास ३६ मिनिटे संभाषण झाल्याचेही त्यांनी नमूद केले आहे. याशिवाय खरातची मुलगी तृप्तबाला खरात हिलासुद्धा चाकणकर यांनी कॉल केल्याचे दमानिया यांनी म्हटले आहे.

अन्य नेत्यांचीही नावे
या प्रकरणात दमानिया यांनी अनेक इतर राजकीय नेत्यांच्या नावाचा उल्लेख केला आहे. त्यांच्या म्हणण्यानुसार एकनाथ शिंदे यांनी १७ वेळा, उच्च आणि तंत्रशिक्षणमंत्री चंद्रकांत पाटील, राष्ट्रवादी काँग्रेसचे प्रदेशाध्यक्ष सुनील तटकरे यांनी प्रत्येकी आठवेळा, मंत्री आशीष शेलार यांनी एकदा अशोक खरातशी संपर्क साधला आहे. दमानिया यांनी माजी मंत्री दीपक केसरकर यांचेही यात नाव घेतले आहे