प्रीती सत्यनारायण तिवारी असे मृत मुलीचे नाव आहे. ती नारायणा विद्यालयात पाचव्या वर्गात शिकत होती. पोलिसांकडून प्राप्त माहितीनुसार, कुटुंबाचा गाडा चालवण्यासाठी प्रीतीचे वडील मुंबईत नोकरीला आहेत. प्रीतीला मुंबईला नेणे शक्य नसल्याने तिला आजी-आजोबांसोबत ठेवण्यात आले. २४ वर्षीय चुलत बहीण तिचा सांभाळ करायची. प्रीती चार वर्षांची असताना तिच्या आईने गळफास घेऊन जीवन संपवलं होतं. ही घटना प्रीतीने पाहिली होती.

Nagpur Crime : सोशल मीडियावर ओळख, फूस लावून शाळेतून पळवलं, पालकांना लेक गैरहजर असल्याचा मेसेज; अल्पवयीन मुलीवर अत्याचार
हट्टी स्वभावाची असलेली प्रीती कधीकधी स्वतःला खोलीत बंद करून ठेवायची. ती टीव्हीवर सतत ‘क्राइम पेट्रोल’ ही मालिकाही पाहत होती. मंगळवारी दुपारी ४ वाजताच्या सुमारास प्रीतीने खोलीत स्वतःला बंद करून घेतले. ती स्टूलवर उभी झाली. लाकडी बल्लीला ओढणी बांधून तिने गळफास घेतला.
Nagpur Crime : बॉयफ्रेंडसोबत व्हिडिओ कॉलवर बोलताना स्वत:ला संपवलं, पदवीदान कार्यक्रमाच्या दिवशीच तरुणीने आयुष्याची दोर कापली
दरम्यान, तिच्या काकाने खिडकीतून पाहिले असता प्रीती गळफास लावलेली दिसली. खिडकीतूनच काका खोलीत गेले. फास काढून प्रीतीला रुग्णालयात दाखल केले. डॉक्टरांनी तपासून तिला मृत घोषित केले. याप्रकरणी कन्हान पोलिसांनी आकस्मिक मृत्यूची नोंद केली आहे. ठाणेदार वैजयंती मंडवधरे यांच्या मार्गदर्शनाखाली या प्रकरणाचा तपास सुरू केला आहे. दहा वर्षीय प्रीतीच्या मृत्यूने परिसरात हळहळ व्यक्त करण्यात येत आहे.

गॅस सिलिंडरसाठी वणवण जीवावर बेतली! रेल्वे उड्डाणपुलाची लोखंडी प्लेट अंगावर कोसळल्याने तरुणाचा मृत्यू, मित्र जखमी
तर दुसऱ्या एका घटनेत, तुमसर तालुक्यातील रोंघा येथे ३१ मार्चपासून बेपत्ता असलेल्या दोन बालकांचे मृतदेह बुधवारी सकाळी गावाजवळील एका पाण्याच्या डबक्यात आढळून आले. चंद्रपाल रुपचंद कुंभरे (वय ७) आणि सार्थक संजय उईके (वय ६) अशी त्यांची नावे आहेत. ही मुले घरी न परतल्याने कुटुंबीयांनी त्यांचा सर्वत्र शोध घेतला, मात्र त्यांचा कोणताही सुगावा लागला नव्हता. रात्रभर शोध घेऊनही मुले न मिळाल्याने गावात चिंतेचे वातावरण होते. यातच गावाजवळील एका पाण्याच्या डबक्यात दोन्ही बालकांचे मृतदेह तरंगताना आढळले.