जे पुरावे समोर येत आहेत, त्यानुसार या ‘रॅकेट’मागे चाकणकर असाव्यात असे दिसते,’ असा थेट आरोप राष्ट्रवादी काँग्रेसच्या पदाधिकारी तथा झाशीची राणी प्रतिष्ठानच्या अध्यक्षा ॲड. रुपाली पाटील-ठोंबरे यांनी शुक्रवारी येथे केला.

भोंदूबाबा अशोक खरातच्या अत्याचार प्रकरणात तपासाची सद्यस्थिती जाणून घेण्यासाठी शिवसेना ठाकरे गटाच्या प्रवक्त्या सुषमा अंधारे, राष्ट्रवादी काँग्रेस अजित पवार गटाच्या नेत्या अॅड. रूपाली पाटील-ठोंबरे, प्रियदर्शनी वूमेन्स फोरम बिटिया फाउंडेशनच्या अध्यक्षा संगीता तिवारी यांच्यासह इतर पदाधिकाऱ्यांनी शुक्रवारी पोलिस आयुक्त संदीप कर्णिक यांची भेट घेतली. हे सर्वजण आयुक्तालयात पोहोचले. त्यांनी आयुक्तांना निवेदन देत भूमिका मांडली. परंतु, नाशिक शहरात खरातविरुद्ध पहिला गुन्हा नोंद झाल्यानंतर विशेष तपास पथकाकडे (एसआयटी) हे प्रकरण वर्ग झाले. हा गुन्हा नोंद होण्यापूर्वीच ‘एसआयटी’ नेमलेली होती. त्यामुळे तपासाबाबत ‘एसआयटी’प्रमुखांकडे सविस्तर माहिती उपलब्ध होईल, असे आयुक्त कर्णिक यांनी स्पष्ट केले. त्यानंतर पदाधिकारी ‘एसआयटी’प्रमुख तेजस्वी सातपुरे (आयपीएस) यांच्या भेटीसाठी महाराष्ट्र पोलिस अकादमीत रवाना झाले.

Pune Land Scam: अपर तहसीलदारांना सक्तीची रजा; पुणे जिल्ह्यातील जमीन नोंदी फेरफार प्रकरणी आदेश
दरम्यान, आयुक्तांच्या भेटीनंतर रूपाली ठोंबरे-पाटील यांनी माध्यमांसोबत संवाद साधला. ‘जे व्हिडीओ सध्या व्हायरल होत आहेत, त्यापैकी बऱ्याच महिलांच्या तक्रारी यापूर्वी महिला आयोगाकडे गेल्या होत्या. पुणे शहरात जे कोणी लोक पोहोचले होते, त्यांनी हे प्रकरण का दाबले याचा तपास व्हावा. एक नव्हे अनेक ‘पेन ड्राइव्ह’ आहेत.

Sushma Andhare : अशोक खरातसोबतचे हेमंत गोडसे, अतुल सावेंचे फोटो दाखवत सुषमा अंधारे संतापल्या; दीपक केसरकरांच्या एसआयटी चौकशीची केली मागणी
‘खरात प्रकरणात पीडितांचा कौटुंबिक वाद विकोपाला गेला आहे. अनेकांच्या घरात आता ‘डीएनए टेस्ट’पर्यंत प्रकरण पोहोचले हे. काही वर्षांपूर्वी तृप्ती देसाईंपर्यंत हे व्हिडीओ पोहोचले होते. त्यावेळी त्या पोलिसांत गेल्या होत्या, तर तपास का झाला नाही? कारण, त्यावेळी मोठ्या प्रमाणात आर्थिक व्यवहार झाल्याचा संशय आहे. चाकणकरांनी ‘तोडपाणी’ केल्याचा संशय आहे,’ असेही ठोंबरे-पाटील म्हणाल्या.