प्रभाकर साहेबराव निकम (वय ४२, रा. संजीवनगर) असे मृताचे नाव असून, संजीवनगर येथील प्रगती गारमेंट्स या कपडे विक्रीच्या दुकानाचे ते संचालक होते. त्यांच्या पश्चात आई-वडील, पत्नी मुलगा, मुलगी व दोन भाऊ असा परिवार आहे. सध्या नाशिकमध्ये वास्तव्यास असलेले निकम कुटुंब मूळचे महाळपूर (ता. शिंदखेडा, जि. धुळे) येथील आहे. या प्रकरणी अंबड एमआयडीसी पोलिस चौकीत टेम्पोचालकाविरोधात गुन्हा दाखल करण्यात आला आहे.

Nashik Crime : मित्रांसोबत गप्पा मारताना बेदम मारहाण, किरकोळ वादातून मध्यरात्री तरुणाला संपवलं; नाशिकमधील घटना उघडकीस
याबाबत पोलिसांनी दिलेल्या माहितीनुसार, लिंक रोडवरून संजीवनगरकडे जाणाऱ्या टेम्पोने (एमएच १५, जेसी ८८७७) या खड्डेमय रस्त्यावरील विराट संकुल येथील घातक वळणावर सावकरनगर, अशोकनगर येथील घराकडे निघालेल्या निकम यांच्या दुचाकीस (एमएच १५, एफआर ४६२०) पाठीमागून जोरदार धडक दिली. या धडकेमुळे वळणावर पडलेल्या डांबराच्या ढिगावर जाऊन आदळल्याने डोक्याला गंभीर दुखापत होऊन मोठा रक्तस्त्राव झाल्याने ते जागीच ठार झाले. अपघातानंतर जमलेल्या नागरिकांनी संताप व्यक्त करीत अपघातस्थळावरील पथदीप बंद होते, ठेकेदाराने सूचनाफलक व रिफ्लेक्टरदेखील लावले नसल्याचा आरोप केला.

गुन्ह्यासह भरपाईची मागणी
सिंहस्थविषयक कामांमुळे अंबड लिंकरोडवर सध्या एकेरी वाहतूक करण्यात आली आहे. मात्र, त्यावर जीवघेणे खड्डे पडल्याने अपघात होत आहेत. सातपूर व अंबड औद्योगिक वसाहतींना जोडणारा हा मुख्य मार्ग असल्याने दररोज हजारो कामगार आणि अवजड वाहनांची वर्दळ असते. मात्र, तरीही या रस्त्याची दुरवस्था कायम असून, त्यास कारणीभूत ठेकेदारासह महापालिकेच्या संबंधित अधिकाऱ्यांवरही सदोष मनुष्यवधाचा गुन्हा दाखल करावा, घरातील कर्ता पुरुष गेल्याने महापालिकेने भरपाई द्यावी, अशी मागणी मृताच्या कुटुंबीयांसह स्थानिक लोकप्रतिनिधी, तसेच कामगारांनी केली आहे.

Malegaon News : सिझेरियनद्वारे प्रसूतीनंतर 21 वर्षीय महिलेचा मृत्यू, हॉस्पिटलच्या हलगर्जीने साक्षी गेली, कुटुंबाचा संताप
अपघातानंतर दुहेरी वाहतूक
प्रभाकर निकम यांचा अपघाती मृत्यू झाल्यानंतर बुधवारी ठेकेदाराने विराट संकुलच्या वळणावर पडलेले डांबरचे ढिगारे हटवत दुहेरी वाहतूक सुरू केली. अपघाताच्या ठिकाणी वाहतूक पोलिस, वॉर्डनची नियुक्ती केल्याचे दिसून आले. रस्त्यात इतस्ततः टाकलेली माती ठेकेदाराने रात्रीतून हटविल्याचे वाहनचालकांनी सांगितले.

Ashok Kharat : खरातच्या केबिनमध्ये महिला शिरताच झुंबर बंद, कर्मचाऱ्यांसाठी नो एन्ट्रीचा ‘कोडवर्ड’, थक्क करणारे कारनामे
कारवाईसाठी नगरसेवकांचा ठिय्या
नाशिक : निकम यांच्या अपघाती मृत्यूप्रकरणी महापालिकेचे अधिकारी आणि ठेकेदारावर गुन्हा दाखल करण्याच्या मागणीसाठी नगरसेवक नितीन दातीर आणि निवृत्ती इंगोले यांनी आयुक्त कार्यालयात ठिय्या आंदोलन केले. नगरसेवकांसह प्रभागातील नागरिकांनी आयुक्तांची भेट घेत कारवाईची मागणी केली. संबंधितांवर योग्य कारवाई केली जाईल, असे आश्वासन प्रशासनाकडून देण्यात आले. त्यानंतर आंदोलन मागे घेण्यात आले.

या अपघातप्रकरणी संबंधित ठेकेदारावर गुन्हा दाखल करावा, तसेच महापालिकेने मृताच्या कुटुंबीयांना नुकसानभरपाई द्यावी. येथील रस्ता त्वरित दुरुस्त करावा, अन्यथा जनआंदोलन करण्यात येईल. –समाधान देवरे, नगरसेवक