Solapur Man Electric Shock Death : जोरदार विजेचा धक्का बसताच केतन सुमारे 20 फूट उंचीवरून खाली कोसळला आणि हा थरारक प्रसंग पाहून आजूबाजूचे तरुण हादरून गेले.
नेमकं काय घडलं?
यशवंत सोसायटी, स्वागतनगर येथील रस्त्यावर गुरुवारी होणाऱ्या कार्यक्रमानिमित्त मंडप उभारण्यात आला होता. मंडपासमोर स्वागत कमानही उभारण्यात आली होती. या कमानीवर झेंडा लावण्यासाठी केतन पाटोळे वर चढला होता. झेंड्यासाठी वापरण्यात आलेल्या कापडाला स्टीलचा पाइप जोडलेला होता. सुमारे २० ते २५ फूट उंच असलेल्या या कमानीच्या बाजूलाच उच्च दाब असलेली विद्युतप्रवाह वाहून नेणारी तार होती.
Ashok Kharat : खरातच्या केबिनमध्ये महिला शिरताच झुंबर बंद, कर्मचाऱ्यांसाठी नो एन्ट्रीचा ‘कोडवर्ड’, थक्क करणारे कारनामे
भगवा झेंडा लावताना विजेच्या तारांना स्पर्श
झेंड्यासाठी वापरलेल्या कापडाला जोडलेला स्टीलचा पाइप आणि कमानीच्या अगदी शेजारी असलेली विद्युत तार यांचा संपर्क आला आणि क्षणार्धात सगळं संपलं. जोरदार विजेचा धक्का बसताच केतन सुमारे 20 फूट उंचीवरून खाली कोसळला. हा थरारक प्रसंग पाहून आजूबाजूचे तरुण हादरून गेले.
अजित पवार असतानाच राष्ट्रवादी ताब्यात घेण्याचा प्रयत्न; रोहित पवारांचे तटकरे-पटेलांवर आरोप
Crime News : प्रेयसीसाठी बायकोचा काटा काढला, कार पेटवून अपघात भासवला, पण CNG टँकमुळे पोलखोल, डॉक्टर नवरा जाळ्यात
घरातील कर्त्या पुरुषाचा दुर्दैवी मृत्यू, परिसरात हळहळ व्यक्त
केतनचे चुलते उमेश पाटोळे यांनी केतनला ताबडतोब शासकीय रुग्णालयात उपचारासाठी दाखल केले होते. मात्र डॉक्टरांनी तपासणीनंतर त्याला मृत घोषित केले. घरातील कर्ता तरुण अचानक निघून गेल्याने आईवर दुःखाचा डोंगर कोसळला आहे. तरुण मुलाचा असा दुर्दैवी मृत्यू झाल्याने केतनच्या आईची शुद्ध हरपली होती. रुग्णालय परिसरात मित्र-नातेवाइकांची झालेली गर्दी, त्यांच्या डोळ्यातील अश्रू, आक्रोश हीच या घटनेची तीव्रता सांगून जात होती.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा