भावाच्या समोर आला धक्कादायक प्रकार

रात्री ११ वाजेच्या सुमारास मुकिंदाचा भाऊ काही कामासाठी त्याच्या खोलीत गेला असता, त्याला समोर दिसलेले दृश्य अत्यंत धक्कादायक होते. मुकिंदाने खोलीतील लोखंडी अँगलला गळफास घेतलेला होता. हे पाहून त्याच्या भावाने आरडाओरडा केला, मात्र तोपर्यंत मुकिंदाची प्राणज्योत मालवली होती. ऐन विशीत असलेल्या मुलाने असे टोकाचे पाऊल उचलल्याचे पाहून संपूर्ण गावात शोककळा पसरली.

पोलीस तपास आणि अंत्यसंस्कार

घटनेची माहिती मिळताच पाटोदा पोलिसांनी तातडीने घटनास्थळी धाव घेतली. पोलिसांनी पंचनामा करून मृतदेह उत्तरीय तपासणीसाठी पाटोदा येथील ग्रामीण रुग्णालयात पाठवला. दुपारी शवविच्छेदन झाल्यानंतर मुकिंदाचा मृतदेह नातेवाईकांच्या ताब्यात देण्यात आला. दुपारी शोकाकुल वातावरणात येवलवाडी येथे त्याच्या पार्थिवावर अंत्यसंस्कार करण्यात आले.

Adinath Maharaj : ‘जननेंद्रियाचा त्याग स्वतःहून केला, कोणाचाही काहीही त्रास नाही’; तारकेश्वर गडाचे महंत ह.भ.प. आदिनाथ महाराज शास्त्रींचा खुलासा

कारण अद्याप गुलदस्त्यात

मुकिंदाने आत्महत्या का केली? याचे नेमके कारण अद्याप समजू शकलेले नाही. तो कामावरून आल्यावर शांत होता की चिंतेत, याबाबत पोलीस नातेवाईक चौकशी करत आहेत. या प्रकरणाचा अधिक तपास बीट अंमलदार गोरख मिसाळ हे करत आहेत. एका कष्टाळू तरुणाने अशा प्रकारे जीवन संपवल्याने ग्रामीण भागातील तरुणांच्या मानसिक आरोग्याचा आणि त्यांच्यावरील तणावाचा प्रश्न पुन्हा एकदा ऐरणीवर आला आहे.