आवाजाच्या नमुन्यांची तपासणी

ठाण्यातील कासारवडवली पोलिस ठाण्यात सन २०१७मधील दाखल खंडणी, मकोकाच्या गुन्ह्यात चौकशीसाठी रवी पुजारीला ठाणे पोलिसांनी बेंगळुरू कारागृहातून नुकतेच ताब्यात घेतले. या गुन्ह्यात दोन आरोपींना यापूर्वीच पोलिसांनी अटक केली होती. सध्या दोघेही जामिनावर बाहेर आहेत. त्यांच्याविरुद्ध न्यायालयात दोषारोपपत्र दाखल करण्यात आले आहे. तर, पुजारी फरार होता. मात्र, आता तोही पोलिसांच्या हाती लागला असून १० दिवसांच्या पोलिस कोठडीमध्ये आहे. ५७ वर्षांच्या पुजारीला नेमका आश्रय कुणी दिला, तो राहिला कुठे, त्याला सिमकार्ड कुणी पुरवली, तो कुणाच्या संपर्कात होता, याबाबत पोलिस सखोल चौकशी करणार आहेत. त्याशिवाय, त्याच्या आवाजाच्या नमुन्यांची तपासणी करण्यात येणार आहे, अशी माहिती पोलिस अधिकाऱ्यांनी दिली.
Ashok Kharat Case : खरातच्या कुकर्मांची शंभरी! मुलीवर अघोरी उपचार, एक हजार कोटीहून अधिक माया, 100 व्हिडिओंचा तपास; भोंदूबाबाचे भयंकर कारनामे

प्रत्यार्पण प्रस्ताव पाठवला

ठाणे पोलिस आयुक्तालयातील सहा गुन्ह्यांमध्ये पुजारीची चौकशी केली जाणार आहे. कासारवडवलीच्या गुन्ह्यात चौकशी करून त्याच्याविरुद्ध न्यायालयात पुरवणी दोषारोपपत्र दाखल करण्यात येणार आहे, असे या अधिकाऱ्यांनी सांगितले. कर्नाटकचा असलेला पुजारी हा सन २०१९मध्ये रिपब्लिक ऑफ सेनेगल या देशात पकडला गेल्यानंतर ठाणे खंडणीविरोधी पथकाने त्याचा प्रत्यार्पण प्रस्ताव पाठवला होता.

नेमकं प्रकरण काय?

खंडणीसह अन्य विविध गंभीर गुन्ह्यांची नोंद असलेला कुख्यात गुंड रवी पुजारी याला ठाणे पोलिसांनी तीन दिवसांपूर्वी ताब्यात घेतलं आहे. पुजारीला ताब्यात घेण्यासाठी पोलिसांचे पथक बेंगळुरू येथे गेले होते. हे पथक ठाण्यात दाखल झाल्याची माहिती एका वरिष्ठ पोलिस अधिकाऱ्याने दिली. पुजारी हा बेंगळुरू येथील कारागृहात होता, असेही या अधिकाऱ्याने सांगितलं.
Ashok Kharat : चोर आलेsss अशोक खरातच्या ‘तृप्तबाला’ बंगल्याबाहेर पोलिसांचं सोंग, ‘भोंदू कॅप्टन’ डोळे चोळत अर्धवट कपड्यात बाहेर, खाकी वर्दीने गराडा घातला

दुपारी न्यायालयात हजर करणार

ठाण्यातील कासारवडवली पोलिस ठाण्यात दाखल असलेल्या एका जुन्या खंडणीच्या प्रकरणात चौकशीसाठी पुजारी याला ताब्यात घेण्यात आल्याचं सांगण्यात आले. या प्रकरणाचा तपास सहायक पोलिस आयुक्त दर्जाचा अधिकारी करीत आहे. पुजारी याला आज बुधवारी १८ मार्च रोजी दुपारी २ नंतर न्यायालयात हजर केले जाईल. दरम्यान, ठाणे पोलिस आयुक्तालयाच्या हद्दीत रवी पुजारी याच्याविरुद्ध २० पेक्षाही जास्त गुन्हे दाखल आहेत.