गुढीपाडव्याच्या दिवशीच दुर्दैवी अपघात

काल गुरुवारी रोजी गुढीपाडवा सण असल्याने मिलमधील बहुतांश कामगार सुट्टीवर होते. पूजा मात्र दीड वर्षापासून या सायझिंग युनिटमध्ये स्वच्छतेचे काम करत होत्या. सकाळी 9.30 ते 10च्या सुमारास त्या स्वच्छता करत असताना साहित्य हलविण्यासाठी वापरली जाणारी लिफ्ट अचानक त्यांच्या अंगावर कोसळली. मोठा आवाज होताच वॉचमनने धाव घेतली. लिफ्टखाली अडकलेल्या पूजा यांना बाहेर काढून तत्काळ इचलकरंजीतील खासगी रुग्णालयात नेलं, पण प्रकृती गंभीर झाल्याने पुढे त्यांना आयजीएम रुग्णालयात हलवण्यात आलं. मात्र, उपचारापूर्वीच त्यांचा मृत्यू झाला. उत्तरीय तपासणीनंतर मृतदेह नातेवाईकांच्या ताब्यात देण्यात आला. पूजा गौरीशंकरनगर, तारदाळ येथील रहिवासी होत्या. कृष्णा व्यास यांच्या मालकीची ही कृष्णा टेक्स्टाईल्स मिल सायझिंगचे काम करते. कुटुंबातील मुख्य कमावती व्यक्ती असलेल्या पूजाच्या अपघाती मृत्यूमुळे नातेवाईकांवर दुःखाचा डोंगर कोसळला आहे.
Ashok Kharat: तुमचे महिलांसोबतचे आक्षेपार्ह फोटो राजेंद्रकडे आहेत; मेसेज येताच अशोक खरात घाबरलेला, २ महिन्यांपूर्वी तक्रार

पोलीस तपास आणि कारखान्याची जबाबदारी

शहापूर पोलिसांनी घटनास्थळाचा पंचनामा केला असून, मिल मालक कृष्णा व्यास, व्यवस्थापन आणि लिफ्ट कंपनीच्या अधिकाऱ्यांची सखोल चौकशी केली जाणार आहे. दोषींवर गुन्हा दाखल होईल, असं पोलिसांनी सांगितलं. या घटनेमुळे औद्योगिक सुरक्षा धोरणांवर प्रश्नचिन्ह उपस्थित झालं आहे. इचलकरंजीतील यंत्रमाग आणि सायझिंग कारखान्यांमध्ये लिफ्टसारख्या यंत्रणांचं नियमित निरीक्षण आवश्यक असल्याचं मत व्यक्त होत आहे.
Captain Ashok Kharat : अशोक खरात प्रकरणात मोठी अपडेट; कॅप्टनच्या घरात 100हून अधिक व्हिडिओ सापडले, तांत्रिकाचा खरा चेहरा समोर

औद्योगिक सुरक्षेची उदासावलेली व्यवस्था

इचलकरंजी हे पश्चिम महाराष्ट्रातील प्रमुख उद्योग केंद्र आहे, जेथे शेकडो यंत्रमाग आणि सायझिंग युनिट्स कार्यरत आहेत. मात्र, कामगारांच्या सुरक्षेच्या बाबतीत अनेक कारखान्यांमध्ये उपेक्षा दिसून येते. गेल्यावर्षी पुण्यात आणि दिल्लीत अशा लिफ्ट अपघात घडले, ज्यात कामगारांचा मृत्यू झाला. येथील घटनेनं कारखानदारांना सुरक्षा नियमांचे पालन करण्याची वेळ आली आहे. कामगार विभागाने स्वतंत्र तपास करून भरपाईची तरतूद करावी, अशी मागणी होत आहे. या प्रकरणाचा निकाल कामगारांसाठी उदाहरण ठरेल.