महाराष्ट्रातील बारामती आणि राहुरी यांसह देशभरातील आठ ठिकाणी पोटनिवडणूक घेण्यात येणार आहे असून ४ मे रोजी मतमोजणी होणार आहे. अजित पवार यांच्या विमान अपघातात झालेल्या निधनानंतर बारामतीत, तर शिवाजी कर्डिले यांच्या मृत्यूमुळे राहुरीत पोटनिवडणूक होत आहे.
Indore Fire : इलेक्ट्रिक कार चार्ज करताना आग, एकामागून एक सिलेंडर फुटले, कुटुंबातील सात जणांचा मृत्यू, डिजिटल लॉकमुळे कोंडी
‘बारामती आणि राहुरीची पोटनिवडणूक एकाचवेळी होणार आहे. दोन्ही जागा नेत्यांच्या अकाली निधनाने रिक्त झालेल्या आहेत. सामंजस्याने दोन्ही ठिकाणची उमेदवारी बिनविरोध करावी,’ असे आवाहन याआधीच भाजपचे प्रदेश उपाध्यक्ष माजी खासदार डॉ. सुजय विखे यांनी केले होते. बारामतीमध्ये उपमुख्यमंत्री सुनेत्रा पवार यांची उमेदवारी निश्चित आहे. राहुरीत दिवंगत आमदार शिवाजीराव कर्डिले यांचे चिरंजीव अक्षय कर्डिले यांचे नाव चर्चेत आहे.

भोंदूबाबा प्रकरणीही भाष्य

राष्ट्रीय समाज पक्षाचे राष्ट्रीय अध्यक्ष व माजी मंत्री महादेव जानकर यांनी बुधवारी गांधी भवन येथे हर्षवर्धन सपकाळ यांची भेट घेतली. या भेटीनंतर ते पत्रकारांशी बोलत होते. नाशिकमधील भोंदूबाबा अशोक खरात अटक प्रकरणाबाबतही सपकाळ यांनी टिप्पणी केली. ‘खरातला पोलिसांनी बेड्या ठोकल्या ते बरेच झाले, परंतु हा भोंदूबाबा महाराष्ट्राचा आसाराम बापू आहे. आसाराम बापू, रामरहीम यांनी जे केले तेच या अशोक खरातने केले असून केवळ ५८ व्हिडीओ नाही, तर सखोल चौकशी केली तर शेकडो व्हिडीओ उघड होतील’, असे ते म्हणाले.
Pune Friends Death : लेह-लडाखहून परत येताना काळाचा घाला, पुण्यातील तीन मित्रांचा अपघाती अंत, विमानाने परतलेला दोस्त धक्क्यात
‘महिलांचे शोषण करणाऱ्या या भोंदूबाबाला कठोर शिक्षा तर झाली पाहिजे अशी मागणी करून आजपर्यंतचे त्याचे कारनामे पाहता त्याला कोणाचा तरी राजकीय आशीर्वाद असला पाहिजे, त्याच्या मागे ही कोणती राजकीय शक्ती आहे, ते महाराष्ट्राच्या नागरिकांना समजले पाहिजे’, असेही ते म्हणाले.