विश्वासाचा घात

मिळालेल्या माहितीनुसार, पीडित मुलगी अल्पवयीन असून तिची मानसिक स्थिती सामान्य नाही. या गोष्टीचा फायदा घेत तिच्याच जवळच्या नात्यातील तीन व्यक्तींनी तिला आपल्या जाळ्यात ओढले. घराशेजारीच राहणारे आणि ओळखीचे असल्याने या नराधमांना मुलीच्या घरात येण्या-जाण्यास कोणाचीही आडकाठी नव्हती. मात्र, याच ओळखीचा गैरफायदा घेत आरोपींनी सोसायटीच्या क्लब हाऊसच्या स्वच्छतागृहात आणि इतर वेगवेगळ्या ठिकाणी नेऊन तिच्यावर वारंवार अत्याचार केला.

पीडितेने मांडली आपबिती

गेल्या सहा ते सात महिन्यांपासून हा अघोरी प्रकार सुरू होता. सततच्या अत्याचारामुळे पीडित मुलीच्या स्वभावात आणि वागण्यात अचानक बदल झाला होता. ती भेदरलेल्या अवस्थेत राहू लागल्याने कुटुंबीयांच्या मनात शंका आली. पालकांनी तिला विश्वासात घेऊन विचारपूस केली असता, तिने आपल्यासोबत घडलेला सर्व धक्कादायक प्रकार सांगितला. ज्या नातेवाईकांना कुटुंब आपले समजत होते, त्यांनीच मुलीचे आयुष्य उद्ध्वस्त केल्याचे समोर येताच पालकांच्या पायाखालची जमीन सरकली.

Beed Crime : जुना वाद, निपाणी तांड्यावर दोन गटामध्ये तुंबळ हाणामारी; वृद्ध शेतकरी, गरोदर महिलेलाही बेदम मारहाण

पोलिसांकडून तात्काळ कारवाई

मुलीने आपबिती सांगताच कुटुंबीयांनी विलंब न करता भारती विद्यापीठ पोलीस ठाण्यात धाव घेऊन तक्रार नोंदवली. घटनेचे गांभीर्य ओळखून पोलिसांनी तातडीने तपास चक्र फिरवली आणि तिन्ही नराधम नातेवाईकांना ताब्यात घेतले. आरोपींवर बाल लैंगिक अत्याचार प्रतिबंधक कायद्यांतर्गत (पोक्सो) गुन्हा दाखल करण्यात आला आहे.

ही घटना उघडकीस आल्यानंतर समाजात संतप्त प्रतिक्रिया उमटत आहेत. स्वतःच्या घरात आणि नातेवाईकांकडेही जर मुली सुरक्षित नसतील, तर विश्वास कोणावर ठेवायचा? असा गंभीर प्रश्न आता उपस्थित केला जात आहे.