भाडेदर किती?

या सेवेच्या पहिल्या टप्प्यात कोथरूड परिसरातील विविध भागांना जोडणारे चार वेगवेगळे मार्ग निश्चित करण्यात आले आहेत. यामध्ये वारजे, डीपी रोड–राजाराम ब्रिज तसेच कर्वेनगर परिसरातील काही भागांचा समावेश आहे. अंतरानुसार प्रवाशांना प्रति सीट 20 ते 30 रुपये इतके भाडे आकारले जाणार आहे. तसेच प्रवाशांच्या सोयीसाठी मोबाईल अ‍ॅपच्या माध्यमातून रिक्षा बुक करण्याची सुविधाही उपलब्ध करून देण्यात आली आहे. अ‍ॅपवरून रूट, थांबे आणि उपलब्ध रिक्षांची माहिती मिळते. राईड बुक केल्यानंतर एक कोड तयार होतो, तो चालकाला दाखवून प्रवासी प्रवास करू शकतात.Pune Metro: पुण्यात मेट्रो स्थानकांपासून ‘फीडर बस’सेवेसाठी पावले, PMPला नवा पर्याय; पहिल्या टप्प्यात दोन मार्गांसाठी प्रस्ताव

या उपक्रमाच्या उद्घाटनावेळी चंद्रकांत पाटील उपस्थित होते. “सार्वजनिक वाहतूक मजबूत करणे ही सरकारची प्राथमिकता असून मेट्रोसह इतर वाहतूक व्यवस्थांनाही जोडण्याचा प्रयत्न सुरू आहे. तसेच भविष्यात इतर मेट्रो स्टेशनवरही अशा फीडर सेवांचा विस्तार करण्याच्या सूचना त्यांनी अधिकाऱ्यांना दिल्या आहेत,” अशी माहिती त्यांनी यावेळी दिली.

दरम्यान, पुण्याच्या महापौर मंजुषा नागपुरे यांनीही या उपक्रमाचे कौतुक केले. शहराचा वाढता विस्तार लक्षात घेता मेट्रो आणि रिक्षा यांचे समन्वयित जाळे तयार होणे आवश्यक असल्याचे मत यावेळी व्यक्त करण्यात आले.

Purandar IT Park: पुरंदरमध्ये ‘आयटी पार्क’ उभारणार, हिंजवडीवरील ताण कमी करण्याचं उद्दिष्ट; नव्या विमानतळाजवळ प्रकल्प प्रस्तावित

वाहतुकीत अडथळा निर्माण न होण्याची अपेक्षा

अनेक नियमित मेट्रो प्रवाशांनी या सेवेचे स्वागत केले आहे. मात्र, मेट्रो स्टेशन परिसरात रिक्षांसाठी स्वतंत्र जागा व व्यवस्थित व्यवस्थापन असावे, जेणेकरून वाहतुकीला अडथळा निर्माण होणार नाही, अशी मागणीही प्रवाशांकडून करण्यात आली आहे. अधिकारीही या सेवेमध्ये पुढील काही दिवसांत सुधारणा करण्याची तयारी दर्शवत आहेत.