Live news in Marathi: पश्चिम आशियातील युद्ध चिघळल्यामुळे देशभरात घरगुती वापरासाठीच्या एलपीजी तुटवडा निर्माण झाला आहे. या पार्श्वभूमीवर सरकारने मंगळवारी देशभरात ‘अत्यावश्यक सेवा देखभाल कायदा’ (एस्मा) लागू केला. तसेच, बाधित झालेल्या गॅस पुरवठ्याचा परिणाम आता रेल्वेच्या केटरिंग सेवेवरही दिसू लागला आहे. आयआरसीटीसी मुंबई सेंट्रल बेस्ड किचनमध्ये व्यावसायिक सिलिंडरचा तुटवडा निर्माण झाला आहे. यामुळे येत्या काळात खाद्यपदार्थ सेवा स्थगित करण्याच्या सूचना रेल्वे मंडळाला केल्या आहेत. दरम्यान, मुंबईत मंगळवारी उष्णतेचा तडाखा बसला. सांताक्रूझ येथे ४० अंश सेल्सिअस तापमान नोंदवले गेले.