साताऱ्याच्या राजकारणात जिल्हा परिषदेचे अध्यक्ष आणि पंचायत समितीच्या अध्यक्षपदाच्या निवडीबाबतचा सस्पेन्ससा अजूनही संपलेला नाही. इथे कुणाला बहुमत मिळालेलं नाही. तसेच महायुतीमधील पक्षांना मिळून सत्ता स्थापन करण्याचा निर्णय घेतला तर तसं करता येणं शक्य आहे. पण घडामोडी काहीतरी वेगळ्याच घडताना दिसत आहेत.
सातारा जिल्हा परिषदेत भाजप २७, अजितदादांची राष्ट्रवादी काँग्रेस २०, शिंदेंची शिवसेनेला १५, काँग्रेस १, स्वाभिमानी शेतकरी संघटना १ आणि १ अपक्ष, असे चित्र निकालात समोर आले. कोणत्याही पक्षाला बहुमताचा जादुई आकडा गाठता आला नाही. वरीलपैकी बंडखोर अपक्ष महिला उमेदवाराने भाजपला तर काँग्रेस आणि स्वाभिमानी शेतकरी संघटनेच्या उमेदवाराने राष्ट्रवादी काँग्रेसला पाठिंबा दिला आहे. त्यामुळे भाजपपेक्षा राष्ट्रवादी काँग्रेस आणि शिवसेनेचं पारडं जड आहे.
महायुतीतील तीनही पक्ष आणि विरोधक देखील जिल्हा परिषद पंचायत समितीची निवडणूक स्वबळावर लढले. जिल्हा परिषदेचा अध्यक्ष भाजपचाच होणार, असे वक्तव्य ग्रामविकास मंत्री जयकुमार गोरे प्रचारात करत होते. मात्र निकालात समोर आलेले बलाबल पाहून भाजपचा भ्रमनिरास झाला. तरीही मंत्री गोरे यांनी सातारा झेडपीचा अध्यक्ष भाजपचाच होणार असल्याचे वक्तव्य तीन वेळा केले आहे.
सातारा झेडपीचा अध्यक्ष भाजपचाच करण्यासाठी मंत्री जयकुमार गोरे यांचे जोरदार प्रयत्न सुरू असताना कराड पंचायत समितीच्या सभापती निवडीवरून भाजपमध्येच संघर्ष सुरू झाला आहे. त्याबद्दल खुद्द मुख्यमंत्र्यांकडे देखील तक्रार झाली असल्याचे समजते. कराड उत्तरमधील उमेदवाराला सभापती करण्यासाठी भाजप आमदार मनोज घोरपडे यांनी डाव टाकला आहे. त्यांच्या या पवित्र्याने कराड दक्षिणमधील भाजपचे आमदार आणि पक्षाचे जिल्हाध्यक्ष डॉ. अतुल भोसले यांची कोंडी झाली असून कराड तालुक्यातील पहिली महिला झेडपी अध्यक्षा करण्याच्या प्रयत्नांना देखील खीळ बसली आहे.
भाजप अंतर्गत सुंदोपसुंदी सुरू असताना राष्ट्रवादी काँग्रेस आणि शिवसेनेने मौन बाळगले आहे. या सर्व घडामोडी पाहता कराड पंचायत समितीची सभापती निवडच सातारा जिल्हा परिषदेचा अध्यक्ष ठरविणार असल्याचे संकेत आता मिळू लागले आहेत. कराड तालुक्यातील दक्षिण आणि उत्तरमधील भाजप आणि राष्ट्रवादी काँग्रेसच्या नेत्यांचा पैरा पाहता जिल्हा परिषद अध्यक्ष आणि पंचायत समितीच्या सभापती निवडीत काहीही घडू शकते, असे सध्या चित्र आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा