मुलांच्या डोक्यावरील मायेचे छत्र हिरावलं

रंजना यांचे पती उत्तम घागरे हे स्वतः सोलर एक्सप्लोजिव्ह कंपनीत काम करून कुटुंबाचा उदरनिर्वाह करतात. पतीला हातभार लागावा आणि मुलांचे भविष्य उज्ज्वल व्हावे, याच अपेक्षेने रंजना एसबीएल कंपनीत कामाला जात होत्या. मात्र, काल रविवारी झालेल्या एका भीषण स्फोटाने रंजना यांच्यासह त्यांच्या कुटुंबाचे सुखी स्वप्न क्षणात धुळीला मिळवले. रंजना यांच्या निधनाने 17 आणि 19 वर्षांच्या दोन मुलांच्या डोक्यावरील मायेचे छत्र कायमचे हिरावले गेले आहे. ज्या वयात मुलांना आईच्या मार्गदर्शनाची आणि आधाराची सर्वाधिक गरज असते, त्याच वयात या मुलांवर आईला गमावण्याची वेळ आली आहे.
Nashik Crime : वडिलांनी पोटच्या लेकासह आयुष्य संपवलं, डोक्याला जबर मार; नाशिकमध्ये बापासह चिमुकल्याचा करुण अंतघराचा मुख्य आधारस्तंभ निखळल्याने घागरे कुटुंब पूर्णपणे कोलमडून पडले असून, राऊळगाव परिसरात या घटनेमुळे तीव्र शोक व्यक्त केला जात आहे. मूळ खापा येथील रहिवासी असलेले घागरे कुटुंबीय सध्या रोजगाराच्या निमित्ताने कोंढाळी येथे वास्तव्यास होते. प्राप्त माहितीनुसार, आज सायंकाळपर्यंत शवविच्छेदन करून कोंढाळी येथे अंत्यसंस्कार होणार आहेत.
Nagpur Blast: कसा नियतीचा फेर हा आला! कुणी आई गमावली, तर कुणी पत्नी; नागपूरच्या भीषण स्फोटात अनेक संसार उघड्यावर

18 श्रमिकांचा जागीच मृत्यू

कळमेश्वर तालुक्यातील राहुळगाव येथील एसबीएल एनर्जी लिमिटेड या स्फोटक निर्मिती करणाऱ्या कंपनीत काल रविवारी झालेल्या भीषण स्फोटाने संपूर्ण जिल्हा हादरला आहे. या दुर्घटनेत 18 श्रमिकांचा जागीच मृत्यू झाला असून, मृतांमध्ये महिलांची संख्या मोठी आहे. हाताला काम मिळेल या आशेने आणि प्रपंचाचा गाडा ओढण्यासाठी जीव मुठीत धरून काम करणाऱ्या या कष्टकऱ्यांचा काल रविवारी दुर्दैवी अंत झाला. या घटनेमुळे धवलापूर, खेडी आणि परिसरातील अनेक गावांवर शोककळा पसरली असून अनेक कुटुंबांवर दुःखाचा डोंगर कोसळला आहे.