कसा असेल मार्ग?

नवी मुंबईत पाम बीच मार्गाचा विस्तार प्रस्तावित होता. सिडको बेलापूर ते ऐरोली असा 29.15 किमीचा मार्ग तयार करणार होते. घणसोली पुढील भागात कांदळवन असल्यामुळे बेलापूर ते घणसोली 19.20 किमी मार्गच तयार झाला होता. यापुढे बेलापूर ते ऐरोली सेक्टर 10अ या मार्गाचं काम रखडलं होतं. उर्वरित 2 किमी भागात कांदळवन असल्यामुळे याला या मार्गाला मंजुरी मिळत नव्हती. शेवटी हा मार्ग बदलून ऐरोली ते मुलुंड खाडीपूल उभारण्यात येणार आहे. हा मार्ग 3.47 किमी लांब असून यापैकी 1.9 किमी भाग घणसोली ते ऐरोली उन्नत मार्ग उभारण्यात येणार आहे.Dahisar-Mira-Bhayander Metro: मेट्रो लाइन 9ची चाचणी फेरी यशस्वी, किरकोळ बदलांनंतर पहिला टप्पा होणार सुरू; दहिसर ते काशीगाव थेट जोडणी

या उन्नत मार्ग सिडको आणि नवी मुंबई महानगरपालिका मिळून बांधणार असून या मार्गासाठी एकूण 550 कोटी रूपयांचा खर्च येणं अपेक्षित आहे. आता पर्यावरण विभागाकडून परवानगीही मिळाली असून हे काम सुरू करण्यात आलं आहे. आता माती परिक्षणाचे काम पूर्ण झालं असून खांब उभारणी सुरू झाली आहे. या पुलाचं काम सप्टेंबर 2026ची डेडलाइन दिली होती. पण आता ते 2027पर्यंत होण्याची शक्यता आहे. ठाणे-बेलापूर या मार्गावरील वाहतूक कोंडी कमी होणार आहे.

Navi Mumbai News: ठाणे-नवी मुंबई विमानतळ उन्नत ‘डबल डेकर’ मार्ग, 90 मिनिटांचा प्रवास अर्ध्या तासांत; कसा असेल 25 किमी लांब मार्ग?

कुठून-कुठे जोडणार?

हा मार्ग सुरू होताच ठाणे-बेलापूर मार्गासह ऐरोलीमधील वाहतूक कोंडी फुटणार आहे. त्यासोबत हा मार्ग ऐरोली ते मुलुंड पूलाला जोडण्याचाही प्रस्ताव आहे. त्यासह ऐरोली – कटाई नाका मार्गालाही जोडणी मिळणार आहे. यानंतर कल्याण, बदलापूर, अंबरनाथ आणि मुरबाड परिसरात जाणाऱ्या नागरिकांनाही फायदा होणार आहे. शिवाय नवीन सुरू झालेल्या नवी मुंबई विमानतळालाही जोडणी मिळणार आहे.

ठाणे बेलापूर मार्गावरून एमआयडीसी, माइंडस्पेस, सायन-पनवेल दृतगती मार्ग आणि वरिस्टा जंक्शनला जोडणी मिळते. या भागांत जाणाऱ्या नागरिकांना मोठा फायदा होणार आहे.