नाजिया नेहमी शांत असायची

मालवण तालुक्यात कुंभारमाठ येथील नाजिया सनाऊला खान (वय 20) या तरुणीने घराच्या मागील बाजूस आंब्याच्या झाडाला ओढणीच्या सहाय्याने गळफास लावून आत्महत्या केली. ही घटना शनिवारी रात्री उघडकीस आली. तिच्या आत्महत्येचं कारण समजू अद्याप समजू शकलेले नाहीय. नाजिया ही दोन महिन्यांपासून नोकरीच्या प्रयत्नात होती. ती घरात नेहमी शांत असायची. शनिवारी रात्री नाजियाची आई घरात नमाज पठाण करत होती, तर ती बाहेरच्या खुर्चीवर बसली होती. वडील आणि भाऊ वायरी येथे नमाज पठण करण्यास गेले होते.
Pune Crime : CBI अधिकारी असल्याचं भासवलं, ज्येष्ठाची पावणेअकरा कोटींची फसवणूक, एटीएमला गेले अन् अडकले; पुण्यात काय घडलं?

आईच्या डोळ्यासमोर…

दरम्यान, आईने नमाज पठण करून झाल्यावर नाजिया हिला शोधण्यास सुरुवात केली असता ती घरानजीकच्या आंब्याच्या झाडाला गळफास घेतलेल्या स्थितीत आढळली. तिचे वडील आल्यावर त्यांनी मालवण पोलिसांना याची माहिती दिली. उपनिरीक्षक प्रतिज्ञा खोत, सुशांत पवार यांनी घटनास्थळी धाव घेतली. या घटनेची नोंद मालवण पोलीस ठाण्यात करण्यात आली असून अधिक तपास मालवण पोलीस करत आहेत.
Sudhakar Shrotri : अभिनेते पुष्कर श्रोत्री यांना पितृशोक, ज्येष्ठ वृत्तपत्र वितरक सुधाकर श्रोत्री यांचं निधन

आठवीतील विद्यार्थ्याची तलावात बॉडी

इयत्ता आठवीतील मुलाची त्याच्या मित्रांनीच हत्या केल्याची घटना भांडुपमध्ये उघडकीस आली आहे. सिद्धार्थ लोंढे (१४) असे या मृत मुलाचे नाव असून याप्रकरणी तीन अल्पवयीन आरोपींना ताब्यात घेण्यात आले आहे. शवविच्छेदन अहवालामुळे हत्येचे बिंग फुटले. भांडुप पोलिसांनी दिलेल्या माहितीनुसार, तुळशेत पाडा परिसरात सिद्धार्थ वास्तव्यास होता. २२ फेब्रुवारीला दुपारी तीनच्या सुमारास तो खेळायला जातो सांगून घराबाहेर पडला. रात्री उशिरापर्यंत सिद्धार्थ घरी न आल्याने पालकांनी त्याची शोधाशोध सुरू केली. मात्र, कुठेच न सापडल्याने अखेर पालकांनी भांडुप पोलिस ठाण्यात तक्रार केली. पोलिसांनी अपहरणाचा गुन्हा दाखल करून शोध सुरू केला. पोलिसांकडून गुन्ह्याचा तपास आणि शोध सुरू असतानाच मुलुंड पोलिसांच्या हद्दीमध्ये विहार तलावाजवळ २३ फेब्रुवारीला सिद्धार्थचा मृतदेह सापडला.