नेमकं काय म्हणाले अधिकारी?

“बारामती येथील विमान दुर्घटनेचे गांभीर्य लक्षात घेऊन विमानातील अजित पवार व अन्य व्यक्तींच्या आकस्मिक मृत्यूचा तपास पोलिस स्टेशन बारामती येथे कलम १९४ बीएनएसएस अंतर्गत नोंद करण्यात आला होता. त्यानंतर हा तपास पोलिस महासंचालकांनी सीआयडीकडे वर्ग केला आहे. सध्या हा तपास सीआयडी करत आहे. सदर तपास पोलीस अधीक्षक, गुन्हे अन्वेषण विभाग यांच्या मार्गदर्शनाखाली सुरू आहे.या मृत्यूमागे घातपात आहे का, हा तपासाचा मुख्य उद्देश आहे. त्यानंतर गुन्हेगारी निष्काळजीपणा आहे का, हा तपासाचा भाग आहे. तिसरा मुद्दा म्हणजे या प्रकरणात कोणते गुन्हेगारी कृत्य घडले आहे का, हेही तपासले जात आहे. वरील सर्व बाबींच्या अनुषंगाने या प्रकरणाचा तपास सुरू आहे.”

Yugendra Pawar: अजितदादांचा अपघात, VSR विमान कंपनीवरील कारवाई, राज्यसभा निवडणूक ते राष्ट्रवादी विलीनीकरण; युगेंद्र पवारांनी स्पष्ट केली भूमिका

तपासाची दिशा आणि सहकार्य करणाऱ्या संस्था

“या अपघाताच्या पहिल्या क्षणापासून आतापर्यंत तपास अतिशय प्रोफेशनल पद्धतीने आणि योग्य दिशेने सुरू आहे. बारामतीतील शासकीय वैद्यकीय महाविद्यालयातील फॉरेन्सिक विभाग, पुण्यातील फॉरेन्सिक सायन्स लॅब, एव्हिएशन ऑथॉरिटी, इतर संबंधित एजन्सी तसेच केंद्रातील अनेक संस्था या तपासात सहकार्य करत आहेत.”

AAIB आणि CBI संदर्भात भूमिका

“एएआयबी (AAIB) यांच्याशी सीआयडीचा सातत्याने संपर्क असून त्यांचाही तपास सुरू आहे. त्यांचा तपास पूर्ण झाल्यानंतर त्याचा अहवाल आकस्मिक मृत्यूच्या तपासात महत्त्वाचा ठरेल. सदर घटनेचे गांभीर्य लक्षात घेऊन महाराष्ट्र शासनानेही हा तपास सीबीआयकडे वर्ग करण्यासाठी पत्रव्यवहार केला आहे.

BMC Appointed Corporators List : ठाकरेंचे 3, काँग्रेसचा 1, भाजपचे 4 तर शिंदेंचे 2, महापौरांकडून स्वीकृत नगरसेवकांची घोषणा

थोडक्यात, या तपासामध्ये घातपात, गुन्हेगारी निष्काळजीपणा किंवा अन्य गुन्हेगारी कृत्य निष्पन्न झाल्यास योग्य त्या कलमांखाली सीआयडी गुन्हा दाखल करून पुढील तपास पूर्ण करेल आणि न्यायालयात अभियोग चालवेल,” असे सीआयडी अधिकाऱ्यांनी स्पष्ट केले.