Rohit Pawar Yugendra Pawar Aggressive About Ajit Pawar Plane Crash : अजित पवारांच्या विमान अपघातप्रकरणी डीजीसीए आणि व्हीएसआर कंपनीविरोधात तक्रार दाखल करण्यासाठी आमदार रोहित पवार बारामतीत पोलीस ठाण्यात दाखल झालेत.
रोहित पवार काय म्हणाले?
‘व्हीएसआर कंपनीकडून हलगर्जीपणा झाला आहे. दोन दिवसांपूर्वी डीजीसीएकडून एक रिपोर्ट आला होता. रिपोर्ट आल्यानंतर काल आम्ही मुंबई पोलिसांमध्ये तक्रार केली. बारामतीत गर्दी होईल म्हणून मुंबईत तक्रार केली. पण त्यांनी एफआयआर दाखल करण्यास नकार दिला. मुंबईत बीएनएसएसनुसार झिरो एफआयआर दाखल करता येतो. व्हीएसआरकडे लिअरजेटची ७ विमाने होती, त्यापैकी दोन विमानांचा अपघात झाला आहे. व्हीएसआर नियम पाळत नव्हती, असा डीजीसीएनेच ठपका ठेवलाय. व्हीएसआरची विमाने खराब होती तर दादांना ते का दिलं’? असा सवाल रोहित पवारांनी केला आहे. तसेच ‘व्हीएसआर कंपनी, मालक यांच्याविरुद्ध एफआयआर दाखल करा’, अशी मागणी देखील आमदार रोहित पवारांनी केली आहे.
FIR दाखल करून घेण्यास नकार, रोहित पवार आक्रमक; मुंबईनंतर बारामती पोलिसांत ठिय्या
तपास होण्याची वाट पाहत होतो
रोहित पवार पुढे म्हणाले की, ‘मुंबईत FIR दाखल होऊ शकला असतापण केला नाही. कुठल्याही नागरिकाला एफआयआर दाखल करण्याचा अधिकार आहे. ललिताकुमारी विरुद्ध उत्तर प्रदेश सरकार खटल्यात सुप्रीम कोर्टाचा निकाल आहे. FIR कुणालाही दाखल करता येतो, असा सुप्रीम कोर्टाचाच निकाल आहे. ३०-३१ जानेवारीला एफआयआर दाखल करु शकलो असतो पण तपास होण्याची वाट पाहत होतो. २४ तारखेला व्हीएसआरचा रिपोर्ट आल्यानंतर २५ तारखेला तक्रार दिली’, असं रोहित पवार पत्रकार परिषदेत म्हणाले आहेत.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा