बारामतीकरांच्या भावनांचा उद्रेक

बारामतीकरांच्या भावनांचा उद्रेक यावेळी स्पष्टपणे दिसून आला. अजितदादांवर प्रेम करणाऱ्या जनतेने अपघाताबाबत अनेक शंका उपस्थित करत या प्रकरणाचा संपूर्ण तपास व्हावा, संबंधित सर्व बाबींची चौकशी करून सत्य जनतेसमोर आणावे अशी मागणी केली. दरम्यान, कायदा व सुव्यवस्था अबाधित राहावी यासाठी पोलीस प्रशासनाने पोलीस ठाणे परिसरात बंदोबस्त वाढवला असून परिस्थिती नियंत्रणात असल्याची माहिती देण्यात आली आहे. नागरिकांच्या मागणीनंतर या प्रकरणाच्या चौकशीबाबत पुढील निर्णयाकडे सर्वांचे लक्ष लागून राहिले आहे.
Snake Rescuer Akash Jadhav : 56 लाख सबस्क्रायबर्स, सर्पमित्राचा मुखवटा, गांजा रॅकेटचा सूत्रधार पोलिसांच्या जाळ्यात; आकाश जाधवला पोलीस कोठडी

दादांचे समर्थक, दादांचे प्रेमी

दरम्यान, पोलीस स्टेशनमध्ये गुन्हा दाखल करण्यासाठी आलेल्या युगेंद्र पवार यांनी बोलताना म्हटलं की, ‘व्हीएसआर कंपनीवर गुन्हा दाखल झाला पाहिजे ही, आमच्या सगळ्यांची मागणी आहे. इथे दादांचे समर्थक, दादांचे प्रेमी आणि बारामतीचे नागरिक जमले आहेत आणि संबंधित कंपनीवर गुन्हा दाखल व्हावा, योग्य ती कारवाई व्हावी अशी सर्वांची इच्छा आहे. आम्ही सगळे रोहित दादांच्या मागे उभे आहोत. अजित दादांना न्याय मिळाला पाहिजे, या प्रकरणाची चौकशी लवकरात लवकर झाली पाहिजे, हीच आमची मागणी आहे. बारामती पोलिसांकडून न्याय मिळेल याची आम्हाला 100% खात्री आहे. डीजीसीएचा रिपोर्ट आला होता, त्या रिपोर्टमध्ये असं सांगितलं की क्रिमिनल नेगलिजेंसमुळे विमानाचा मेंटेनन्स न केल्यामुळे या सगळ्या गोष्टी घडल्या आहेत. हे आपल्याला रिपोर्टमध्ये दिसताना, क्रिमिनल नेगलिजेंस जर हे डीजीसीएकडून येत असेल तर मग त्यांच्यावर गुन्हा दाखल झाला पाहिजे, असं युगेंद्र पवार यांनी यावेळी म्हटलं आहे.