सरपंच पिंटू पाटील यांनी जळगाव तालुका पोलिस ठाण्याला माहिती दिली. पोलिस पथक तातडीने घटनास्थळी पोहोचले असता, त्यांना तो तरुण रक्ताच्या थारोळ्यात पडलेला दिसला. पोलिसांनी त्याला तातडीने जिल्हा शासकीय रुग्णालयात दाखल केले. मात्र, डोक्याला आणि शरीराच्या अंतर्गत भागाला मार लागला होता. मंगळवारी (दि. २४) पहाटे ४:३० वाजता उपचारांदरम्यान त्याचा मृत्यू झाला. कोणतीही शहानिशा न करता जमावाने केलेलं हे कृत्य माणुसकीला काळिमा फासणारं आहे.पोलिसांनी मनोहर भगवान सोनवणे (रा. नांद्रा, ता. जळगाव), अजय डोंगर कोळी (रा. थोरगव्हाण, ता. यावल), प्रशांत उर्फ प्रकाश शशिकांत सोनवणे, अजय ऊर्फ बादल शशिकांत सोनवणे (रा. बामणोद ता. यावल) आणि आफताब आरिफ खाटीक (रा. शनिपेठ, जळगाव) अशा पाच संशयितांना ताब्यात घेतले. पोलिस हवालदार श्रीकांत बदर यांनी दिलेल्या फिर्यादीनुसार जळगाव तालुका पोलिस ठाण्यात पाच जणांसह इतर अनोळखी लोकांविरुद्ध गुन्हा दाखल करण्यात आला. मृत तरुण हिंदीभाषक असल्याचा पोलिसांचा अंदाज आहे.